Nashik Crime News : काँग्रेसचे नेते तथा खासदार राहुल गांधी यांच्‍या शहरात झालेल्‍या रोड शोदरम्‍यान गर्दीचा फायदा घेत चोरट्यांनी हातसाफ केला. यासंदर्भात पोलिस दप्तरी नोंद झाल्‍यानंतर चोरीस गेलेल्‍या ऐवजाची रक्‍कम समोर आली आहे. त्‍यानुसार चोरट्यांनी ३ लाख ६३ हजार रुपयांहून अधिकचा ऐवज लांबविल्‍याचे निदर्शनास आले आहे. (Nashik Crime Rahul Gandhi road show stolen worth 3 lakh 63 thousand marathi news)

यासंदर्भात भद्रकाली पोलिस ठाण्यात फिर्याद दाखल झाली आहे. त्‍यानुसार बांधकाम साहित्‍याचे पुरवठादार राजू कापसे यांनी फिर्याद दिली आहे. त्‍यानुसार गुरुवारी (ता.१४) ते रोड शोमध्ये सहभागी झाले होते. द्वारका भागातील राधिका हॉटेल परिसरात भामट्यांनी त्‍यांच्‍या खिशातील पाकिट लांबविले. (latest marathi news)

त्‍यांच्‍यासह इतर काहींच्‍या खिशाला कात्री लावताना चोरट्यांनी सुमारे ३ लाख ६३ हजार ७०० रुपये किमतीचा ऐवज चोरल्‍याचे भद्रकाली पोलिस ठाण्यात नोंदविले आहे. चोरीला गेलेल्‍या वस्‍तूंमध्ये पाकिट, मोबाईल, रोख रक्‍कम तसेच दागिन्यांचा समावेश आहे.