Nashik Police Retirement : शहर आयुक्तालयातील २६ पोलीस अधिकारी आणि अंमलदार हे ३० जून अखेर सेवानिवृत्त होत असून, त्या पार्श्वभूमीवर पोलीस आयुक्त संदीप कर्णिक यांच्या हस्ते शनिवारी (ता. २९) सन्मानित करीत समारंभपूर्वक निरोप देण्यात आला. यावेळी अनेकांना गहिवरून आले होते. (Nashik Farewell to retirees by honoring Commissionerate felicitated)

३० जून अखेर शहर पोलीस आयुक्तालयातील एक पोलीस निरीक्षक, ४ उपनिरीक्षक, ९ श्रेणी उपनिरीक्षक, ७ सहायक उपनिरीक्षक, ४ हवालदार आणि एक लिपिक असे २६ अधिकारी-अंमलदार सेवानिवृत्त होत आहे. या अनुषंगाने पोलीस आयुक्तालयात आयुक्त संदीप कर्णिक यांच्या प्रमुख उपस्थितीत सेवानिवृत्तीचा निरोप समारंभ आयोजित करण्यात आला होता.

यावेळी शहर गुन्हेशाखेचे उपायुक्त प्रशांत बच्छाव, गुन्हेशाखेचे सहायक आयुक्त संदीप मिटके यांची प्रमुख उपस्थिती होती. यावेळी सेवानिवृत्त अधिकारी-अंमलदार कुटूंबियांसह उपस्थित होते. आयुक्त संदीप कर्णिक यांनी या अधिकारी-अंमलदारांना शुभेच्छा देताना येत्या काळात स्वत:च्या आरोग्याची निगा राखण्याच्या शुभेच्छा दिल्या. उपनिरीक्षक सूत्रसंचालन धनराज पाटील यांनी केले. तर, सहायक आयुक्त मिटके यांनी आभार मानले. (latest marathi news)

हे झाले सेवानिवृत्त

पोलीस निरीक्षक भरतसिंग पराडके, उपनिरीक्षक अशोक उघडे, सुभाष जाधव, सुनील गीत, शिवाजी गागरे, महेश जाधव, अनिल सोनवणे, मारुती कुंदे, सुरेश निकम, मोतीराम चव्हाण, यशवंत शिंदे, गोरक्षनाथ शेलार, प्रवीण कोकाटे, विजय मिसाळ, राजेंद्र कदम, सहायक उपनिरीक्षक सुनील साळवे, शिवाजी गुंजाळ, मारुती भड, हवालदार दत्तू नागरे, अशोक परदेशी, बाळासाहेब बहिरम, कैलास शिंदे, लिपीक अनुराधा पवार.