नाशिक : नाशिक लोकसभा निवडणूक 2024 नाशिक लोकसभेसाठी माजी आमदार राजाभाऊ वाजे यांना शिवसेना उबाठा गटाकडून उमेदवारी जाहीर करण्यात आली. वाजे यांची उमेदवारी जाहीर होताच फटाके उडवून आनंद व्यक्त करण्यात आला. नाशिक लोकसभा मतदारसंघातून महाविकास आघाडीकडून सिन्नरचे माजी आमदार राजाभाऊ वाजे यांना उमेदवारी जाहीर करण्यात आली आहे. (Nashik Lok Sabha Ubatha Group candidates announced to Rajabhau Waje marathi news)

उद्धव ठाकरे गटाच्या 16 उमेदवारांची यादी आज (दि. 27) जाहीर करण्यात आली आहे. त्यात नाशिकच्या जागेसाठी राजाभाऊ वाजे यांचे नाव या यादीतून जाहीर करण्यात आले आहे.आहे. राजाभाऊ वाजे शिवसेनेचे सदस्य म्हणून ते सिन्नर विधानसभा मतदारसंघातून 13 व्या महाराष्ट्र विधानसभेचे सदस्य होते .  (latest marathi news)

ते एका राजकीय कुटुंबातील असून त्यांचे आजोबा शंकर बाळाजी वाजे हे महाराष्ट्र राज्याच्या स्थापनेनंतर सिन्नरचे पहिले महाराष्ट्र विधानसभेचे सदस्य होते . त्यांची आजी रुक्मिणीबाई वाजे सन 1967 मध्ये सिन्नर (विधानसभा मतदारसंघ) च्या पहिल्या महिला आमदार होत्या. त्यांचे वडील प्रकाश वाजे यांनी देखील 2009 ची महाराष्ट्र विधानसभेची निवडणूक सिन्नर (विधानसभा मतदारसंघ) येथून लढवली होती .