येवला‌ : शहरातील रस्ता डांबरीकरण, कॉंक्रिटीकरण, भूमिगत गटार, वाणिज्य संकुल, इतिहास संग्रहालयासह विविध कामांसाठी १० कोटी रुपये मंजूर झाले आहेत. यात जुन्या पालिकेच्या जागेवर व्यापारी संकुलासह इतिहास संग्रहालय साकारणार आहे. (Nashik History museum with complex old municipality yeola marathi news)

अन्न, नागरी पुरवठा व ग्राहक संरक्षण मंत्री छगन भुजबळ यांच्या विशेष प्रयत्नांतून लक्ष्मीआई मंदिर ते नागड दरवाजा रस्ता डांबरीकरण व काँक्रिटीकरण, गटारीसाठी ७० लाख, विंचूर रोड पाणी टाकी ते पारेगाव रस्ता काँक्रिटीकरण १ कोटी ८० लाख, डॉ. बाबासाहेब आंबेडकर शॉपिंग सेंटरसमोर भूमिगत गटारीसाठी २० लाख, पारेगाव रोड भागात भूमिगत गटार, रस्ता काँक्रिटीकरण,

(कै.) भाऊलाल पहिलवान लोणारी व्यापारी संकुल परिसरातील रस्ता काँक्रिटीकरण, भूमिगत गटारीसाठी प्रत्येकी ५० लाख, जुनी नगरपरिषद रस्ता ते वीज कंपनी ऑफिस ते सुंदरनगरपर्यंत रस्ता काँक्रिटीकरण, भूमिगत गटारीसाठी १५ लाख, डॉ. साळुंखे हॉस्पिटल ते श्री. गाडेकर यांचे घर ते कलावती आई मंदिरापर्यंत जोडणाऱ्या रस्त्यापर्यंत काँक्रिटीकरण व भूमिगत गटारीसाठी ३५ लाख, सोमनाथ गुंड ते जगदाळे वस्ती रस्ता काँक्रिटीकरण व भूमिगत गटारीसाठी १० लाख,

गवंडी गल्ली भागात रस्ता काँक्रिटीकरण करणे व भूमिगत गटार, हमाल गल्ली भागात रस्ता काँक्रिरीटीकरण व भूमिगत गटारीसाठी प्रत्येकी २० लाख यांसह म्हसोबानगर स.नं.१४ पैकी मधील रस्ता काँक्रिटीकरण व भूमिगत गटार, जाईचा मारुती तालिम ते संभाजी जेजुरकर यांच्या घरापर्यंत रस्ता काँक्रिटीकरण व भूमिगत गटारीसाठी बांधकाम प्रत्येकी १५ लाख, जुनी पालिकेच्या जागेवर वाणिज्य संकुल व इतिहास संग्रहालयासाठी ५ कोटी रुपये मंजूर झाले आहेत.