NMC News : महापालिकेकडून मार्चअखेर वसुलीची मोहीम हाती घेण्यात आली आहे. मोहिमेअंतर्गत पश्‍चिम विभागातील पाच दिवसात पाच गाळे सील करण्यात आले असून, यातून ६ कोटी २५ लाख भाडे वसूल करण्यात आले आहे. महापालिकेचे शहरात २३०० गाळे व ओटे आहेत. यातील दीड हजार गाळेधारकांनी महापालिकेचे भाडे थकविले आहे. (nashik NMC 5 shop of Municipal Corporation are sealed due to rent arrears marathi news)

त्यामुळे मार्चअखेर महसूल वृद्धी करण्याच्या अनुषंगाने कर विभागाने थकबाकी असलेल्या गाळे सील करण्याची मोहीम हाती घेतली आहे. १ ते १५ मार्च या कालावधीमध्ये थकबाकीदार गाळे सील करण्याची कारवाई करण्यात आली आहे. ५० कोटी रुपये भाडे थकलेल्या पश्चिम विभागातील शरणपूर मिनी मार्केटमधील पाच गाळ्यांना सील ठोकण्यात आले.

यातून ६ कोटी २५ लाख रुपयांचे भाडे वसूल करण्यात आले. थकीत भाडे तत्काळ भरावे, असे आवाहन कर विभागाचे उपायुक्त श्रीकांत पवार व सहाय्यक आयुक्त मयूर पाटील यांनी केले आहे. (latest marathi news)

विभागनिहाय थकीत भाडे

- पंचवटी- एक कोटी ९६ लाख

- सिडको- एक कोटी ३१ लाख

- सातपूर- चार कोटी ९२ लाख

नाशिक रोड- पाच कोटी ८५ लाख

- पश्चिम- २५ कोटी ६६ लाख

- पूर्व- पाच कोटी ८४ लाख