सातपूर : इएसआयसी रूग्णालयाचे संकेतस्थळ गेल्या आठवड्यापासून बंद असल्याने शेकडो रुग्णांना इनटायटल अर्ज काढता येत नसल्यामुळे रुग्णांचे हाल होत आहेत. ऑनलाइन सुविधा ठप्प झाल्याने कामगार वर्गाकडून नाराजी व्यक्त होत आहे. (Nashik plight of patients in ESIC Hospital marathi news)

दरम्यान देशभरातील औद्योगिक वसाहतीतील कामगारांसाठी इएसआयसी रूग्णालयाची सुविधा ही एक वरदान आहे. पण ही सुविधा ऑनलाइन बंद झाल्याने एकच गोंधळ उडाला आहे. गेल्या आठ दिवसांपासून ही साइट नादुरूस्त आहे. यामुळे रुग्णांचे इनटायटल फॉर्मही मिळत नाही. त्यामुळे रुग्णाला आरोग्याचा सुविधा उपलब्ध होण्यास अडचणी निर्माण झाली आहे.

साइट ही दिल्लीवरूनच बंद झाल्याने राज्यातील अधिकारीही हतबल झाल्याचे पाहायला मिळत आहे. अधिकाऱ्यांशी संपर्क केला तर लवकरच सुरू होईल पण हे दिल्लीवरून होत असल्याने वेळ लागेल, असेही दबक्या आवाजात सांगितले जात आहे. तर गेल्या चार दिवसांपासून संकेतस्थळ बंद असल्याने रेकॉर्ड दिसत नाही. त्यामुळे लाभ घेता येत नसल्याची भावना कामगार धनराज माळी यांनी व्यक्त केली.  (latest marathi news)