मुंबई- नाशिक लोकसभा मतदारसंघाबाबत राष्ट्रवादी काँग्रेसचे प्रमुख शरद पवार यांनी मोठं विधान केलं आहे. नाशिक लोकसभा मदारसंघ ठाकरे गटाकडून लढवला जाईल असा दावा करण्यात आला होता. हा दावा शरद पवारांनी खोडला आहे. त्यामुळे महाआघाडीमध्ये मिठाचा खडा पडण्याची शक्यता आहे. (ncp chief sharad pawar said about nashik loksabha seat thackeray group disappointed)

नाशिक लोकसभेची जागा ठाकरे गटाला सोडल्याच्या ठाकरे गटाचा दावा पवारांनी खोडला आहे. महविकास आघाडीतील जागा वाटपाबाबत शरद पवारांनी मोठं विधान केलं आहे. १९ तारखेला दिल्लीतील इंडिया आघाडीच्या बैठकीनंतर महाविकास आघाडीच्या जागा वाटपाचा फॉर्म्युला ठरणार आहे. त्याआधी शरद पवार यांनी केलेल्या वक्तव्यामुळे आघाडीत सर्व काही आलबेल नसल्याची चर्चा सुरु झाली आहे.

ठाकरे गटाचे उपनेते सुनिल बागुल म्हणाले होते की, शरद पवार यांनी नाशिकची जागा ठाकरे गटाला सोडण्यास सहमती दर्शवली आहे. त्यानंतर राजकीय वर्तुळात चर्चांना सुरुवात झाली होती. त्यानंतर शरद पवार यांनी पत्रकारांशी बोलताना ठाकरे गटाचा दावा खोडून काढला आहे. दरम्यान, नाशिक लोकसभा मतदारसंघातून २०१९ साली शिवसेनेचे हेमंत गोडसे निवडून आले होते. गोडसे हे शिंदे गटातील नेते आहेत. (Latest Marathi News)