Deolali Lahvit Railway: येणाऱ्या सिंहस्थ कुंभमेळा डोळ्यासमोर ठेवून आणि प्रवाशांना तांत्रिक दर्जात्मक आणि गुणात्मक सेवा मिळाली पाहिजे या उद्देशाने रेल्वे नवनवीन तंत्रज्ञान अंमलात आणत आहे. (New Intermediate Block Station between Deolali Lahavit railway station nashik news)

याच उद्देशाने देवळाली, लहावित रेल्वेस्थानक दरम्यान अप आणि डाऊन रेल्वे मार्गदरम्यान नवीन इंटरमिडिएट ब्लॉक स्टेशन लाइनची क्षमता वाढवण्यासाठी आणि रेल्वेगाडीची गतिशीलता सुधारण्यासाठी कार्यान्वित करण्यात आले.

देवळाली ते लहावित हा ११.२२ किमीचा पट्टा आहे. हे नवीन तंत्रज्ञान रविवारी (ता.१०) कार्यान्वित झाल्यामुळे, हा ११.२२ किमीचा भाग २ भागांमध्ये विभागला गेला आहे.

त्यामुळे पहिल्या १ ट्रेनऐवजी लहवित ते देवळाली सेक्शन दरम्यान एकामागून एक २ ट्रेन पाठवता येतील. पहिल्या ट्रेनने हे नवीन इंटरमिडिएट ब्लॉक स्टेशन ओलांडल्यानंतर, दुसरी ट्रेन लहवित सेक्शनवरील देवळालीला पाठविता येईल.