Sahakar Bharti 2023 : सहकार विभागातील गट ‘क’ संवर्गातील सरळसेवेची रिक्त पदभरतीसाठी ६ जुलैच्या जाहिरातीस अनुसरून विहित मुदतीत प्राप्त झालेल्या उमेदवारांची टीसीएस कंपनीमार्फत १४ व १६ ऑगस्टला ऑनलाइन परीक्षा घेण्यात येणार आहे, अशी माहिती जिल्हा उपनिबंधक फयाज मुलाणी यांनी दिली. (sahakar bharti online exam on 14 16 august nashik news)

परीक्षेच्या प्रवेश पत्राबाबतच्या सूचना उमेदवारांना त्यांनी अर्ज सादर करतेवेळी नोंदणी केलेल्या भ्रमणध्वनी क्रमांकावर व ई-मेल यावर पाठविण्यात आल्या आहेत.

प्रवेशपत्र डाउनलोड करावयाची लिंक आणि सूचना सहकार आयुक्त व निबंधक, सहकारी संस्था, महाराष्ट्र राज्य, पुणे यांच्या https://sahakarayukta.maharashtra.gov.in या संकेतस्थळावर प्रसिद्ध करण्यात आल्या आहेत.

हेही वाचा : Credit Card फसवणूक....काय घ्याल काळजी?

वरील संकेतस्थळावरून उमेदवारांनी परीक्षेचे प्रवेशपत्र प्राप्त करावे आणि परीक्षेस येताना प्रवेशपत्राची रंगीत प्रत सोबत ठेवावी.

त्याचप्रमाणे प्रवेशपत्रात नमूद सूचनांचे उमेदवारांनी तंतोतंत पालन करावे, असे आवाहन जिल्हा उपनिबंधक फयाज मुलाणी यांनी केले आहे.