नाशिक : उद्धव बाळासाहेब ठाकरेंच्या शिवसेनेचं नाशिकमध्ये सध्या अधिवेशन सुरु आहे. या अधिवेशनासाठी उद्धव ठाकरेंसह, संजय राऊत, आदित्य ठाकरे, सुषमा अंधारे यांच्यासह शिवसेनेचे मोठे नेते उपस्थित आहेत. विशेष म्हणजे आजच्या बाळासाहेब ठाकरेंच्या जयंतीदिनी हे अधिवेशन घेण्यात आलं आहे.

यापार्श्वभूमीवर आदित्य ठाकरे यांनी आपले आजोबा बाळासाहेब ठाकरे यांच्यासोबतची नाशिकमधील अधिवेशनाचीच एक आठवण सोशल मीडियावर शेअर केली आहे. (shivsena ubt nashik convention aditya thackeray shares a old memores with his grandfather balasaheb thackeray)

आदित्य ठाकरेंनी ट्विटरवर एक फोटो शेअर केला आहे. या फोटोला त्यांनी 'नाशिक अधिवेशनाची एक आठवण' असं कॅप्शन दिलं आहे. या फोटोमध्ये बाळासाहेब ठाकरे, मनोहर जोशी, नारायण राणे आणि शिवसेनेची इतर वरिष्ठ मंडळी बसली आहेत. त्यांच्यासमोरुन लहान आदित्य ठाकरे जाताना दिसत आहेत. समोरुन जाणाऱ्या आपल्या नातवाला हात फैलावून आपल्याजवळ बोलावताना बाळासाहेब दिसत आहेत. (Marathi Tajya Batmya)

दरम्यान, आजच नाशिकमध्ये शिवसेनेचं अधिवेशन होत असताना आणि बाळासाहेबांची जयंती असल्यानं आदित्य ठाकरेंना आपल्या आजोबांची आठवण आल्यानं त्यांनी या जुन्या आठवणी शेअर केल्या आहेत. त्यांच्या या पोस्टला सुमारे ४००० हून अधिक लोकांनी लाईक केलं आहे.