SPPU News : सावित्रीबाई फुले पुणे विद्यापीठाच्‍या नाशिक उपकेंद्रात मुक्त व दूरस्थ अध्ययन केंद्र सुरू झाले आहे.

विद्यापीठाचे नाशिक उपकेंद्र सक्षम करण्याच्‍या उद्देशाने सुरू असलेल्‍या प्रयत्‍नांचा एक भाग म्‍हणून हे केंद्र सुरू करण्याचा निर्णय विद्यापीठाने घेतला. (Silent distance learning center in Pune University sub centre nashik)

विद्यापीठाच्‍या नाशिक उपकेंद्राच्‍या माध्यमातून अधिकाधिक उपक्रम व सेवा उपलब्ध करून देण्यासाठी विद्यापीठाकडून प्रयत्‍न सुरू आहेत. त्यामुळेच दोन ते चार वर्षांत उपकेंद्राचे कामकाज गतिमान झालेले आहे.

आणखी एक पाऊल पुढे टाकताना मुक्त व दूरस्थ : अध्ययन केंद्र सुरू केले आहे. बुधवार (ता. ९)पासून बी.ए., बी.कॉम., एम.ए. व एम.कॉम. या अभ्यासक्रमांसाठी प्रवेशप्रक्रियेला सुरुवात झालेली आहे.

हेही वाचा : Credit Card फसवणूक....काय घ्याल काळजी?

या अभ्यासक्रमांना प्रवेश घेऊ इच्‍छिणाऱ्या विद्यार्थ्यांना या केंद्राचा फायदा होईल. अत्यंत कमी कालावधीत अध्ययन केंद्र सुरू केले असून, जिल्ह्या‍यातील अनेक गरजू विद्यार्थ्यांसाठी अभ्यासक्रम हितावह ठरेल.

अधिकाधिक विद्यार्थ्यांनी लाभ घेण्याचे आवाहन विद्यापीठातर्फे करण्यात आले आहे.