Summer Temperature : शहरातील तापमान मागील पाच दिवसांपासून सातत्याने ४३ अंश सेल्सिअसपेक्षा अधिक आहे. तापमानाचा पारा वाढत असल्याने मालेगावचे नागरिक योग्य ती खबरदारी घेत आहेत. (Summer Temperature mercury in city beyond 43 degrees Celsius nashik news)

हेही वाचा : Credit Card फसवणूक....काय घ्याल काळजी?

वाढत्या तापमानाच्या पाश्‍र्वभूमीवर सामान्य रुग्णालय प्रशासनही सज्ज झाले आहे. येथील सामान्य रुग्णालयात २० खाटांचा स्वतंत्र उष्माघात कक्ष सज्ज ठेवण्यात आल्याचे वैद्यकीय अधिकारी डॉ. योगेश पाटील यांनी ‘सकाळ’ला सांगितले.

तूर्त नागरिक काळजी घेत असल्याने रुग्णसंख्या नेहमीच्या सरासरीप्रमाणे आहे. शहरात रविवारी (ता.१४) ४३.६ अंश सेल्सिअस तापमान नोंदविले गेले. वाढत्या तापमानामुळे शहरातील खासगी तरण तलावांमधील गर्दी वाढू लागली आहे.

दुपारी बाजारपेठेत शुकशुकाट होत आहे. वाढत्या तापमानाचा दैनंदिन जनजीवनावर परिणाम होत आहे.