Nashik Crime : मुंबई नाका गुन्हे शोध पथकाकडून तडीपार संशयितास अटक करण्यात आली. त्याच्याकडून गावठी कट्ट्यासह तलवारी जप्त करून त्याच्याविरुद्ध गुन्हा दाखल करण्यात आला.

मुंबई नाका पोलिस ठाणे गुन्हे शोध पथकाचे पोलिस शिपाई समीर शेख यांना तडीपार संशयित बेकायदेशीररीत्या अंबड गावात वावरत असल्याची माहिती मिळाली. (swords seized from Tadipara Nashik Crime)

हेही वाचा : Credit Card फसवणूक....काय घ्याल काळजी?

अक्षय गावंडे, असे तडीपार संशयिताचे नाव आहे. पोलिस निरीक्षक श्री. आहेर यांच्या मार्गदर्शनाखाली गुन्हे शोध पथकाचे रोहिदास सोनार, नवनाथ उगले यांनी दरोडा व शस्त्रविरोधी पथकाचे सहाय्यक पोलिस निरीक्षक श्री. रौंदळ यांच्या पथकासह अंबड येथील संशयिताच्या ठिकाणी छापा टाकला.

संशयित अक्षय गणपत गावंडे एका घरात लपून बसलेला होता. त्यास पोलिस पथकाने शिताफीने ताब्यात घेतले. अधिक चौकशीत त्याच्याकडून एक गावठी कट्टा, ३ जिवंत काडतूस तसेच दोन धारदार तलवार हस्तगत करण्यात आल्या.