सुरगाणा (जि.नाशिक) : आज (ता.१७) सकाळ पासून सुरु असलेल्या तोक्ते चक्रीवादळाचा (tauktae cyclone) सकाळी 7.10 मिनिटानी जिल्हा परिषद शाळा (district school) सांबरखल शाळेला या शाळेला जोरदार तडाखा बसला. येथील चार वर्ग खोल्यांची पत्रे जोरदारपणे आलेल्या वादळात उडाली असून पत्र्यांचा अगदीच चेंदामेंदा झाला आहे. (tauktae cyclone effect on surgana nashik marathi news)

हेच पत्रे समोरील एक वर्ग खोली असलेल्या कौलारू इमारत व मंदिरावर पडल्याने कौलाचे नुकसान झाले आहे.असे शाळा व्यवस्थापन समितीचे अध्यक्ष नरेंद्र राऊत, पोलीस पाटील मनोहर भोये,सरपंच विलास घाटाळ, ज्ञानेश्वर खंबायत, जालिंदर कामडी, जयराम छगणे, रोहीत खंबायत, हंसराज चौधरी,यांनी नैसर्गिक आपत्ती विभागाने तात्काळ पंचनामा करावा अशी मागणी केली आहे. तसेच महामहिम राज्यपाल यांच्या दौऱ्यामुळे देशपातळीवर नावाजलेले भिंतघर म्हणजे गुलाबी गाव येथे सकाळी जोरदारपणे आलेल्या चक्रीवादळात आंबा फळबागांचे मोठ्या प्रमाणात नुकसान झाले आहे. कृषी विभागाने तात्काळ पाहणी करुन पंचनामे करावेत अशी मागणी सामाजिक कार्यकर्ते रघुनाथ जाधव यांनी केली आहे.