नाशिक रोड : नाशिक-पुणे मार्गाने अनेक प्रवासी दैनंदिन प्रवास करतात. पण याच मार्गावर सध्या मोठ्या प्रमाणावर ट्राफिक जामचा सामना वाहनचालकांना व येथील रहिवाशांना करावा लागत आहे. (Traffic-jam-on-Nashik-Pune-road-everyday-marathi-news)

गेल्या वर्षभरापासून नाशिक-पुणे रस्त्याचे काम

गेल्या वर्षभरापासून हे काम सुरू असून पावसाळा सुरू झाला तरी या रस्त्याचे काम पूर्ण झालेले नाही म्हणून जलद गतीने रस्त्याचे काम पूर्ण करावे अशी मागणी सिन्नर फाटा येथील नागरिकांनी केली आहे. गेल्या वर्षभरापासून नाशिक-पुणे रस्त्याचे काम सुरू आहे. अनेक दिवस हे काम बंद होते. सध्या पावसाळा सुरू झालेला आहे. पावसाळ्याच्या आत या रस्त्याचे काम पूर्ण व्हायला पाहिजे होते मात्र लॉक डाऊन कामगारांची कमतरता आणि ठेकेदाराच्या क्षमतेमुळे या रस्त्याचे काम पूर्ण झालेले नाही. सध्या नाशिक-पुणे रोडवर वाहतूक कोंडी रोज होत असते.

जीव मुठीत धरून प्रवास

सकाळी आठ वाजल्यापासून ते संध्याकाळी सहा वाजेपर्यंत येथे वाहतूक कोंडी होत असल्यामुळे सध्या वाहनचालकांना जीव मुठीत धरून प्रवास करावा लागत आहे. येथील रहिवाशांनाही रस्ता ओलांडतांना त्रास होत आहे. त्यामुळे या रस्त्याचे काम जलद गतीने पूर्ण करावे अशी मागणी येथील रहिवाशांनी केली असून रस्त्याचे काम लवकर पूर्ण न झाल्यास आंदोलनाचा इशारा राजकीय पक्षांतर्फे देण्यात आला आहे.