Nashik Accident News : महिंद्रा ॲन्ड महिंद्रा कंपनीसमोर सिटीलिंक बस व दुचाकीची धडक दिल्याने कामगार शिवाजी झोटे हे जागीच ठार झाल्याची घटना शनिवारी (ता. १३) सकाळ साडेसातच्या दरम्यान घडली. (Worker died on spot in bus two wheeler accident nashik news)

सिटीलिंक बस (एमएच-१५- जीव्ही-7698) येत असतानाच अचानक समोरून दुचाकीवरून येणारे लिज्जत पापड कंपनी कामगार शिवाजी झोटे (५३, शिवाजीनगर) यांच्यात अपघात झाला. झोटे यांना तत्काळ रुग्णालयात दाखल केले असता, मृत घोषित करण्यात आले.

घटनास्थळी गर्दी पांगवत वाहतूक सुरळीत करण्यात आली. दरम्यान गेल्या अनेक वर्षांपासून औद्योगिक वसाहतीमधील अवजड वाहनांची पार्किंग रस्त्यावर केली जाते. त्यात टपऱ्यांचे अतिक्रमणामुळे वाहन चालकांना मोठी अडथळ्याची शर्यत पार करावी लागते.

या समस्येकडे महापालिका अतिक्रमण विभाग व वाहतूक पोलिसांनी लक्ष देवून मार्ग काढण्याची मागणी महिलांसह कामगार वर्गाने केली आहे.

रस्ता रुंदीकरण व बेकायदेशीरपणे वाहने पार्किंग केल्याने अपघात घडतात. या संदर्भात अनेकवेळा निवेदनाद्वारे मागणी करून ही औद्यागिक वसाहतीमधील प्रश्नाविषयी कारवाई होत नसल्याने असे अपघात होत असल्याचे बजरंग शिंदे यांनी सांगितले.