लाखनी : तालुक्यातील सेलोटी शंकर पटाचे आयोजन करण्यात आले होते. शंकरपटा दरम्यान टरबूज विक्रेत्याने युवकावर चाकूने हल्ला केल्याची घटना शनिवारी ता. १२ ला सायंकाळच्या सुमारास घडली. जखमीस जिल्हा सामान्य रूग्णालयात हलविले असून त्याची प्रकृती गंभीर असल्याचे सांगितले जात आहे. श्यामू /यशवंत नीलकंठ वकेकार वय २५ रा.माडगी/ टेकेपार असे आहे.तर शुभम नरेश गायधने वय 25 राहणार गणेशपुर भंडारा असे मारेकऱ्याचे नाव असून त्याला गावकऱ्यांनी लाखणी पोलिसांच्या स्वाधीन केले आहे.

तालुक्यात सध्या बैल गाडीच्या सर्यतींची मेजवानी सुरू आहे. या मध्येमातुन सेलोटी येथे शर्यतीचे आयोजन केले होते. श्यामू /यशवंत नीलकंठ वकेकार ज्यांनी आपली बैलजोडी शंकर पटात आणली होती असे प्रत्यक्षदर्शींनी सांगितले तर शुभम गायधने याने शंकर पटात टरबूज विक्री करिता आणले होते. दरम्यानच्या काळात शुभम गायधने याने चाकूने श्यामू /यशवंत नीलकंठ वकेकार ज्याच्या पायाच्या मांडीवर व पाठीवर चाकूने वार केले यात श्यामू /यशवंत नीलकंठ वकेकार हे रक्ताच्या थारोळ्यात जमिनीवर कोसळले बघता-बघता घटनास्थळी गर्दी जमा झाली आयोजन समिती व नागरिकांनी जखमीला लाखनी येथील ग्रामीण रुग्णालयात हलविले तर उपस्थित नागरिकांनी मारेकरी शुभम गायधने याला चोप दिला. व पोलिसांच्या स्वाधीन केले.

घटनेची माहिती लागणे पोलिसांना देण्यात आली असून पोलीस उपनिरीक्षक दिलीप कुमार घरडे आपल्या ताफ्यासह घटनास्थळी पोहोचले असून जखमी श्यामू /यशवंत नीलकंठ वकेकार याला कर्तव्यावर वैद्यकीय अधिकाऱ्यांनी प्रकृती अस्वस्थ असल्यामुळे प्रथमोपचार करून जिल्हा सामान्य रुग्णालयात पाठविले आहे घटनेची नोंद वृत्त लिहीपर्यंत करण्याची कार्यवाही सुरू होती.