अमरावती : विधानसभा निवडणूक मतमोजणीच्या आदल्या दिवशी आमदार रवी राणा यांनी फोनवरून आपल्याला जीवे मारण्याची धमकी दिल्याचा आरोप एआयएमआयएमच्या नगरसेवकांनी केला आहे. याविरोधात एआयएमआयएमच्या समर्थकांनी बुधवारी पोलिस आयुक्तालयावर धडक दिली.
नगरसेवक अब्दुल नाजीम अब्दुल रऊफ हे घरी असताना त्यांना दुपारी तीन वाजून 22 मिनिटांनी आमदारांचा फोन आला. त्यांनी शिवीगाळ करून जीवे मारण्याची धमकी दिली, असा आरोप अ. नाजीम यांनी पोलिस आयुक्त संजय बाविस्कर यांना दिलेल्या निवेदनातून केला. अ. नाजीम हे महापालिकेत एआयएमआयएमचे गटनेते आहेत. आपल्याविरुद्ध आमदारांकडून षडयंत्र रचल्या जाण्याची शक्यताही त्यांनी तक्रारीत नमूद केली. शिवाय आपल्याला पोलिसांनी सुरक्षा द्यावी, अशी मागणी त्यांनी सीपींना दिलेल्या निवेदनातून केली.
संबंधित नगरसेवकाने खासदार नवनीत राणा यांच्याबद्दल अपशब्द वापरल्याने त्यांच्या विरुद्ध आम्ही कारवाई करणार आहोत. या कारवाईपासून स्वतःचा बचाव करण्यासाठी त्यांनी हा आरोप केला असून आरोपात तत्थ्य नाही.
- रवी राणा, आमदार, बडनेरा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.