जेवनाळा (जि. भंडारा) - सध्या वन्यप्राण्यांचा मोर्चा हा गावांकडे जास्त वळला असून यातून अनेक घटना समोर येत आहेत. मात्र पालांदूर येथे एका वयोवृध्द नागरिकाने चक्क माकडाला मारून स्वतःच्या घराला लटकविल्याची एक विचित्र घटना समोर आली आहे.

लाखनी तालुक्यातील पालांदूर येथे मंगलावरला दुपारी पंढरी बाजीराव काटेखाये (वय 75 वर्ष) यानी माकडाला मारून स्वतः च्या घराच्या रेलिंग वर अडकवून ठेवत. मैंने शेर को मारा, म्हणत असल्याचे काही नागरिकांना दिसले त्यावेळी तो माकड जिवंत असेल व त्याला वाचविण्यासाठी वन विभागाच्या कर्मचाऱ्यांना बोलाविण्यात आले मात्र कर्मचारी मोक्यवर पोहचले असता तो माकड मृत पावल्याचे स्पष्ट झाले.

त्यानंतर वनपरिक्षेत्र अधिकारी अड्याळ घनश्याम ठोंबरे यांच्या मार्गर्शनात एम. व्ही. श्यामकुवर क्षेत्र सहाय्यक किटाडी,एन. पी. पारधी, एस. एल. कूंभरे, एस. ए. गायकवाड, कु. टी.जी. गायधने, की. ए . यू. बडोले यांनी मौक्यावर पोहचून संशयीत आरोपी पंढरी बाजीराव काटेखाये याला तपासासाठी ताब्यात घेतले असून भारतीय वन्यजीव, (संरक्षण) 1972 अन्वये वनगुन्हा जारी करण्यात आला आहे पुढील तपास सुरू आहे.

या घटनेत मृत पावलेल्या माकडाला वन विभागाने आपल्या ताब्यात घेतले असून त्याच्यावर अंतिम संस्कार करण्यात येणार आहे.मात्र ही घटना कोणत्या कारणाने घडली हे अद्याप समोर आले नाही.

वन्य प्राण्यांची अश्या प्रकारे हत्या होणे हे समाजाला कलंकित करणारी घटना असल्याचे प्राणी मित्रांचे म्हणने आहे.