Crime News  sakal
नागपूर

Crime news : एक्स गर्लफ्रेंडने मोबाइल परत केला नाही म्हणून केला चाकू हल्ला, नवा प्रियकर देखील जखमी

एक महिन्यापूर्वी सचिनने तिला नवीन मोबाइल दिला

सकाळ वृत्तसेवा

नागपूर : प्रेयसीचे दुसऱ्यासोबत प्रेमसंबंध असल्याची माहिती मिळताच, तिच्याशी संबंध न ठेवण्याचे सांगणाऱ्या युवकावर दुसऱ्या प्रियकराने हल्ला करीत, गंभीर जखमी केले. ही घटना हुडकेश्वर पोलिस हद्दीतील दिघोरी चौकातील उड्डाणपुलाखाली मंगळवारी (ता.३०) रात्री घडली. पोलिसांनी आरोपीला अटक केली.

स्नेहल रंजन घोडेस्वार (वय ३८ रा. न्यू शंकरनगर ,दिघोरी नाका) असे अटकेतील आरोपीचे नाव आहे. त्याने सचिन बाबूदास महंत (वय ३० रा. तरोडी वाठोडा) याच्यावर हल्ला करून जखमी केले. पोलिसांनी दिलेल्या माहितीनुसार, सचिन महंत हा धरमपेठेतील गॅरेजमध्ये काम करतो. दीड वर्षांपासून त्याचे दिघोरी परिसरात राहणाऱ्या साधना (वय २७, नाव बदललेले) सोबत प्रेमसंबंध आहेत.

एक महिन्यापूर्वी सचिनने तिला नवीन मोबाइल दिला. दरम्यान करिष्माने सचिनसोबतचे संबंध संपुष्टात आणले. त्यानंतर ती स्नेहलच्या संपर्कात आली. ही बाब सचिनला माहिती झाली. त्याने साधनाशी संपर्क साधून तिला दिलेला मोबाईल परत मागितला.

मात्र, याबाबत तिने वाद घालून स्नेहलला माहिती दिली. त्यातून स्नेहलने रागात येऊन त्याचा काटा काढण्याच्या उद्देशाने मंगळवारी (ता.३०) रात्री १० वाजताच्या सुमारास सचिनच्या मोबाइलवर संपर्क साधला. त्याने साधनाला दिलेला मोबाइल परत घेण्यासाठी सचिनला दिघोरी चौकातील उड्डाणपुलाखाली ये असे सांगून बोलावून घेतले. त्यातून सचिन हा निलेश व आशिष नावाच्या मित्रांसह तेथे गेला. सचिनने स्नेहलला मोबाइल परत मागितला तसेच स्नेहलने सचिनवर चाकूने वार केले. मात्र, त्याच्या मित्रांनी त्याला मेडिकलमध्ये दाखल केले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IND vs ENG 2nd Test: फुल राडा! यशस्वी जैस्वालने DRS घेताच बेन स्टोक्स खवळला; अम्पायरला दाखवलं बोट, प्रेक्षकांचे Booing

IND vs ENG 2nd Test: यशस्वी जैस्वालची विक्रमी कामगिरी! मोहम्मद सिराज लै भारी; टीम इंडियाकडे २४४ धावांची आघाडी

Ranya Rao : रान्या राव ‘Gold smuggling’ प्रकरणी ‘ED’ची मोठी कारवाई!

IND vs ENG 2nd Test: मोहम्मद सिराजच्या सहा विकेट्स, आकाश दीपने फिरवली मॅच; इंग्लंड ALL OUT, भारताकडे मजबूत आघाडी

मोठी बातमी! फार्मसी, बीबीए, बीसीएससह ‘या’ अभ्यासक्रमांसाठी प्रवेश अर्ज भरण्यास प्रारंभ; अर्जाचे शुल्क 800 ते 1000 रुपये; जाणून घ्या, वेळापत्रक...

SCROLL FOR NEXT