नागपूर: एकेकाळी काँग्रेसचे युवा नेते आणि राहुल गांधी यांचे निकटवर्तीय ज्योतिरादित्य सिंधिया यांनी आज नागपुरातील राष्ट्रीय स्वयंसेवक संघाच्या रेशीमबाग येथील परिसराला भेट दिली. सिंधिया हे पहिल्यांदाच नागपूर दौऱ्यावर आले आहेत.
काही महिन्यांपूर्वी सिंधिया यांनी काँग्रेसचा हात सोडून भाजपचे कमळ हाती घेतले होते. काँग्रेसमधील वातावरण आता अनुकूल नाही त्यामुळेच त्यांनी पक्ष सोडला होता. मात्र आता त्यांनी भाजपच्या इतर नेत्यांप्रमाणेच नागपुरातील स्मृती मंदिर परिसराला भेट दिली आहे. तसेच संघाचे संस्थापक डॉ. केशव बळीरामपंत हेडगेवार यांच्या निवासस्थानी त्यांनी भेट दिली.
ज्योतिरादित्य सिंधिया यांनी रेशीमबाग येथील स्मृती मंदिर परिसराला भेट दिली. यावेळी त्यांनी संघाचे प्रथम सरसंघचालक डॉ. हेडगेवार आणि द्वितीय सरसंघचालक माधव गोळवलकर गुरुजी या दोघांच्याही समाधी स्थळाचे दर्शन घेतले.
ज्योतिरादित्य सिंधिया आपल्या पहिल्याच नागपूर दौऱ्यावर असताना आज संध्याकाळी साडे सहाच्या सुमारास संघ मुख्यालयात जाऊन सरसंघचालक मोहन भागवत यांचीही भेट घेणार असल्याची माहिती सूत्रांकडून मिळत आहे.
"डॉ. हेडगेवार यांचे निवासस्थान म्हणजे एक प्रेरणादायी स्थळ आहे. त्यामुळेच मी इथे भेट द्यायला आलो आहे" अशी भावना यावेळी ज्योतिरादित्य सिंधिया यांनी व्यक्त केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.