Nagpur Fake Journalist Chain Snatching: एका वकिलाला मारहाण करून गळ्यातील सोनसाखळी हिसकावून पळ काढणाऱ्या तोतया पत्रकार आरोपीला सदर पोलिसांनी अटक केली. मुन्ना उर्फ मुस्ताक खान पटेल (रा. यशोधरानगर), असे आरोपीचे नाव आहे. मुन्ना पटेलवर यापूर्वीच पोलिस ठाण्यात अनेक गुन्हे दाखल आहेत. तो स्वत:ला पत्रकार असल्याचे सांगतो.

सोमवारी दुपारी वकील शहबाज सिद्धिकी (जाफरनगर) हे पोलिस नियंत्रण कक्षाकडे जाणाऱ्या रस्त्यावरील एका चहा ठेल्यावर उभे होते. दरम्यान आरोपी मुन्ना पटेल तेथे आला. त्याने ‘तू माझ्या पोलिसांत खूप तक्रारी करतो. आता तू पैसे दे’, असे म्हणून मारहाण केली. तसेच शहाबाज यांच्या गळ्यातील सोनसाखळी हिसकावून पळ काढला. या प्रकरणी सदर पोलिसांनी गुन्हा दाखल करून मुन्ना पटेलला अटक केली. (Latest Marathi News)