Nagpur Bela Leveling Machine Accident: सोनेगाव-बेला रस्त्याचे सिमेंट काँक्रिटचे काम सुरू आहे. या कामावरील लेव्हलिंग मशिनने दहेली येथील शेतकऱ्याला मुरूम पसरवणाऱ्या ग्रेडर मशिनने वीस फूट फरकटत नेले. यात त्यांचा जागीच मृत्यू झाला. भाऊराव पांडुरंग आंबुलकर (वय ७०) असे मृत शेतकऱ्याचे नाव आहे.

भाऊराव हे बुधवारी (ता.१७) शेताकडे जात असताना एमएच-३१-एफई ३३८५ या क्रमांकाच्या मशिनने भाऊराव यांना २० फुट फरफटत नेले. त्यांच्याकडे तीन एकर शेती आहे. त्यांना दोन मुले आणि एक मुलगी आहे. रस्त्याचे काम अभी कंट्रक्शन कंपनी करीत आहे.

एकाच वेळी दोन्ही बाजूने खोदकाम व मुरूम टाकण्याचे काम सुरू असल्यामुळे लहान मोठ्या वाहनांना वाहतूक करणे मुश्किल झाले आहे. त्यामुळे दररोज अपघाताच्या किरकोळ घटना घडत आहेत. अपघाताचे वृत्त समजताच दहेली येथील संतप्त नागरिक घटनास्थळी गोळा झाले होते. परंतु पोलिसांनी संयमाने परिस्थिती हाताळली. (Latest Marathi News)