Indian Railway from Nagpur: राऊरकेला-झारसुगुडा दरम्यान तिसऱ्या रेल्वे लाईनचे काम केले जाणार आहे. दोन रेल्वेगाड्या रद्द तर पाच गाड्यांना विलंबाने सोडण्यात येणार आहे. मुंबईहून धावणारी मुंबई-हावडा दुरांतो एक्स्प्रेस हावडा येथून ६ फेब्रुवारी रोजी ३ तास ४५ मिनिटे उशिराने सुटणार आहे.

कुर्ला येथून धावणारी कुर्ला-कामाख्या एक्स्प्रेस ६ फेब्रुवारी रोजी ६ तास उशिराने सोडण्यात येणार आहे. राजेंद्र नगर येथून धावणारी राजेंद्र नगर-दुर्ग दक्षिण बिहार एक्स्प्रेस ६ फेब्रुवारी रोजी ३ तास विलंबाने सुटेल. (Latest Marathi News)

तर परतीला दुर्ग-राजेंद्र नगर दक्षिण बिहार एक्स्प्रेस ७ फेब्रुवारीला ३ तास विलंबाने सुटेल. तसेच योग नगरी ऋषिकेश येथून धावणारी योग नगरी ऋषिकेश-पुरी उत्कल एक्स्प्रेस हावडा ३ तास विलंबाने सोडण्यात येणार आहे. तसेच इतवारी-टाटानगर एक्स्प्रेस आणि टाटानगर-इतवारी एक्स्प्रेस या दोन्ही गाड्या ७ फेब्रुवारी २०२४ रोजी रद्द करण्यात आल्या आहेत.