Nagpur Telegram Fraud Case: टास्कच्या नावावर एका खासगी काम करणारे धीरज सुधाम कारडीकर (वय ३७, रा. राणी दुर्गावती चौक) यांना सायबर चोरट्याने २ लाख ३८ हजाराने गंडविले. याप्रकरणी पाचपावली पोलिसांनी सायबर चोरट्याविरोधात गुन्हा केला आहे.

पोलिसांनी दिलेल्या माहितीनुसार, ९ नोव्हेंबरला धीरज यांच्या मोबाईलवर मॅसेज आला. त्यात ‘cluter-7705’ या टेलिग्राम आयडीवर त्यांना एका ग्रुपमध्ये समाविष्ट केले. प्रथम त्यांना टास्क देत, त्यात गुंतवणूक केल्यास अधिकचा नफा देण्याचे आमिष दाखविले. त्यामुळे त्यांनी दिलेला टास्क पूर्ण करण्यास सुरुवात केली.

प्रथम त्यांना नफा देत, अधिकचा पैसा गुंतविल्यास अधिक नफा मिळेल असे सांगण्यात आले. त्यामुळे त्यांनी वेळोवेळी वेगवेगळया अकाऊंटमध्ये एकुण २ लाख ३४ हजार रुपये ऑनलाइन पाठविले. मात्र, त्यानंतर नफा आणि दिलेली रक्कम परत मिळत नसल्याने आर्थिक फसवणूक झाल्याचे कळताच, त्यांनी सायबर पोलिसांना तक्रार दिली. दरम्यान पाचपावली पोलिसांनी याप्रकरणी सायबर चोरट्याविरोधात गुन्हा दाखल केला असून तपास सुरू केला आहे. (Latest Marathi News)