नागपूर : एमआयडीसी परिसरात शेजारी राहणाऱ्या युवकाने पाचव्या वर्गाच्या विद्यार्थिनीवर बलात्कार केला. मुलीची मोठी बहीण अचानक घरी आल्यामुळे हा प्रकार उघडकीस आला. याप्रकरणी तक्रारीवरून एमआयडीसी पोलिसांनी युवकाविरुद्ध बलात्काराचा गुन्हा दाखल करून अटक केली आहे. ‘आमचे एकमेकांवर प्रेम असून, संमतीनेच अनेकदा शारीरिक संबंध प्रस्थापित केले’ असा दावा आरोपीने केला. पुढील तपास पोलिस करीत आहेत.

पोलिसांनी दिलेल्या माहितीनुसार, ११ वर्षांची मुलगी ही आईवडील, दोन बहिणी आणि भावासह एमआयडीसी परिसरात राहते. तिचे वडील एका कंपनीत कामगार आहेत तर आई मोलमजुरी करते. तिच्या घराशेजारी राजदेव टेंगर शाह (१९) हा राहतो. त्याचे वडील आणि मुलीचे वडील एकमेकांचे मित्र आहेत. त्यामुळे त्या दोघांचे एकमेकांच्या घरी येणे जाणे होते.

अधिक माहितीसाठी - अत्याचारानंतर तरुणी गर्भवती; तक्रारीवरून पोलिसांनी दाखल केला गुन्हा

राजदेव हा नेहमी मुलीच्या घरी राहत होता. त्याचे मुलीवर एकतर्फी प्रेम होते. तिलाही तो आवडत होता. त्यामुळे त्याच्यावर कुणीही संशय घेत नव्हते. बुधवारी दुपारी १२ ते ३ वाजेपर्यंत मोठी बहीण शिवनक्लासला गेली होती तर लहान भाऊ घरी खेळत होता. राजदेव दुपारी एक वाजता घरी आला. त्याने मुलीच्या भावाला पैसे दिले आणि चिप्स खाण्यासाठी बाहेर पाठवले. घरात कुणीही नसल्याची संधी साधून राजदेव घरात मुलीशी शारीरिक संबंध प्रस्थापित करीत होता.

याच दरम्यान क्लासला दांडी मारून तिची बहीण घरी आली. घराचा दरवाजा उघडा असल्यामुळे थेट ती बेडरूममध्ये गेली. तिला राजदेव नग्नावस्थेत दिसला तर बहिणही नको त्या अवस्थेत दिसली. तिने केर काढण्याचा झाडू घेतला आणि राजदेवची पिटाई केली. तो घरातून अर्धनग्नावस्थेतच पळून गेला. त्यानंतर तिने बहिणीलाही चांगले धुतले.

जाणून घ्या - पुणे ते नागपूर प्रवास फक्त विवाहितेसाठी; मात्र, नकार मिळताच प्रियकराने उचलला टोकाचा पाऊल

सायंकाळी सहा वाजता आईवडील कामावरून घरी आले. घडलेला प्रकार बहिणीने त्यांना सांगितला. त्यांनी राजदेवच्या पालकांशी चर्चा केली. त्यानंतर एमआयडीसी पोलिस ठाण्यात तक्रार दाखल केली. पोलिसांनी बलात्काराचा गुन्हा दाखल करून राजदेवला अटक केली. ‘आमचे एकमेकांवर प्रेम असून, संमतीनेच अनेकदा शारीरिक संबंध प्रस्थापित केले’ असा दावा आरोपीने केला. पुढील तपास पोलिस करीत आहेत.