वडकी (जि. यवतमाळ) : वडकी पोलिस स्टेशनच्या हद्दीत येणाऱ्या वाढोनाजवळील अदनान जिनिंग नजीकच्या दहेगा येथील अमर दादाजी इटाळे (वय 28 वर्ष) याला दिलीप बिल्डकॉमच्या टिप्परने दिनांक 9 रोजी सकाळी 5 वाजताच्या सुमारास चिरडले यात त्याचा जागीच मृत्यू झाला

वडकी पोलिसांनी दिलेल्या माहितीनुसार अमर दादाजी इटाळे हा दहेगावचा रहिवासी असुन काही कामानिमित्त कळंबला गेला होता. काम आटोपून तो परत कळंब राळेगाव वडकी या रस्त्याने रात्री उशिरा परत येत असताना तो वाढोना जवळील अदनान जिनिंग जवळ नव्याने बांधकाम केलेल्या सिमेंट रस्त्यावर असलेल्या पोत्यांवर झोपला होता.

सविस्तर वाचा - तुम्हीच सांगा याला शेतकरी आत्महत्या म्हणायची का? मुलाला शिक्षणासाठी मोबाईल घेऊन देता न आल्याने बळीराजाने मृत्यूला कवटाळले...

सकाळी 6 च्या सुमारास दिलीप बिल्डकॉमचा टिप्पर रोडवर पाणी मारण्यासाठी आला असता टिप्परचा मागचा चक्का झोपलेल्या अमर दादाजी इटाळे याच्या अंगावरून गेला त्यात त्याचा जागीच मृत्यु झाला असुन टिप्पर चालकाविरुद्ध वडकी ठाण्यात गुन्हा दाखल करण्याची प्रक्रिया सुरू असुन घटनेचा तपास ठाणेदार प्रशांत गीते यांच्या मार्गदर्शनाखाली पीएसआय विजयकुमार बितजमादार अशोक भेडाळे टी सि राठोड करीत आहेत 

संपादन - स्वाती हुद्दार