लाखनी - लाखनी तालुक्यातील खराशी येथे मुलानेच आपल्या वडिलांचा खून केल्याची घटना गुरुवारी सायंकाळी घडली आहे. या घटनेने परिसर हादरून गेले आहे. पोलिसांनी आरोपीला अटक केली आहे. खराशी येथे राहणारे बाबुराव काहालकर (वय ६८) यांचा मंगेश काहालकर (वय २८) या पोटच्या मुलानेच खून केल्याची घटना सायंकाळी सहाच्या सुमारास घडली आहे.

मंगेश हा आपल्या आई वडिलांसह येथे राहत होता. दारूच्या नशेत यांच्यात अनेकदा वाद झाल्याचे परिसरातील नागरिकांचे सांगणे आहे. त्याच पद्धतीने गुरुवारला सायंकाळी पाच ते सहाच्या दरम्यान बाप लेकात व आई यांच्यात भांडण झाले. यात मंगेशने लाकडी काठीने मारहाण करत खून केल्याची घटना उघडकीस आली आहे. या घटनेत फिर्यादी आरोपीची आईच्या बायाना नुसार मृतक हा शिव्या देत असल्याने भांडण झाल्याचे सांगितले आहे. या घटनेमुळे खराशी परिसर हादरून गेला आहे. सदर घटनेची पालांदूर पोलीस ठाण्यात कलम ३०२ अंतर्गत गुन्हा दाखल करण्यात आला असून आरोपीला शुक्रवारी अटक करण्यात आली आहे. या घटनेचा तपास बोरकुटे ठाणेदार पोलीस स्टेशन पालांदूर हे करत आहेत.