नेर : अमरावती मार्गावर ट्रक आणि बसचा भीषण अपघात झाल्याची घटना आज सकाळी ११ वाजता दरम्यान शिंगणापूर फाट्याजवळ घडली.यामधे एक प्रवासी जागीच ठार झाला असून तीन जण गंभीर तर एकूण २५ प्रवासी जखमी झाले आहे.

औरंगाबादवरून भरधाव वेगाने नागपूरकडे निघालेला ट्रक क्रमांक एमएच १६ ए वाय ९७६७ ने यवतमाळ येथून अमरावतीकडे पुसद आगाराची जवळपास ५० प्रवासी घेऊन जाणारी बस क्रमांक एम एच ४० वाय ५९२६ ला जोरदार धडक दिली. मृत व्यक्तीमध्ये पांडुरंग खुशालराव बोडके वय ६५ वर्ष रा. कवठा बु.ता. अचलपुर जिल्हा अमरावती या प्रवाशाचा समावेश आहे.

तर जखमीमध्ये प्रतीक शेषराव खडसे वय २५ रा. पाथ्रड गोळे,पार्वता पोहनकर वय ६५ रा.पिंपरी कलगा, मुमताज बेगम वय ७०रा. अमरावती,अरुणा अमुने ६३ रा.पुसद, अनिकेत नंदू राठोड १९ पुसद, कुसुम पोहणकर ६९ शिंगणापूर, प्रियंका सतीश दायमा २९ पुसद, वनिता खडसे ५० पाथ्रड गोळे, पंडित कंडेल महागाव, वनिता मेश्राम मालखेड, वाहक प्रेमदास चव्हाण, चेतन सांगानी दारव्हा, सारिका भिडेकर बडनेरा, अश्विन जाधव पुसद, सिद्धार्थ धुळे पुसद, शालिनी गुजर नांदगाव खंडेश्वर, बाळकृष्ण काळे शेंद्री डोलारी, विजय पत्रे पुसद, तुषार भिडेकर बडनेरा, नरेश शागानी दारव्हा, वसंत वाहने दिघी कोल्हे, सुरेखा इंगळे पुसद, साक्षी उंबरकर पुसद,रोशन शहाकार यांचा समावेश आहे.

यातील काही प्रवाश्यांना नांदगाव खंडेश्वर येथील शासकीय रुग्णालयात उपचारासाठी दाखल करण्यात आले.तर १४ प्रवाशांना अमरावती येथील जिल्हा सामान्य रुग्णालयात उपचारासाठी हलविन्यात आले. ट्रकचा वेग एवढा जास्त होता की, बस जवळपास २०० फूट समोर फरफटत गेली.यावरून अपघाताची भीषणता लक्षात येते. नांदगाव पोलिसांनी पंचनामा करून ट्रक चालकाला अटक केली आहे. पुढील तपास नांदगाव खंडेश्वरचे ठाणेदार ठाणेदार हेमंत ठाकरे यांच्या मार्गदर्शनात सुरू आहे.