कल्याण-डोंबिवलीत महावितरणाद्वारे संवाद मेळावा

कल्याण-डोंबिवलीत महावितरणाद्वारे संवाद मेळावा

कल्याण : महावितरणाद्वारे कल्याण व डोंबिवली या शहरात प्रत्येक पहिल्या व चौथ्या सोमवारी ग्राहक तक्रार निवारण व संवाद मेळाव्याचे आयोजन करण्यात येणार असून वीज ग्राहकांनी या संधीचा लाभ घेण्याचे आवाहन महावितरण कल्याण परिमंडळ उपमुख्य जनसंपर्क अधिकारी भारत पवार यांनी केले आहे. 

महावितरण कल्याण मंडळ 1 अंतर्गत कल्याण पूर्व पश्चिम आणि डोंबिवली विभाग अंतर्गत ग्राहक तक्रार निवारण व संवाद मेळावा नुकताच कल्याण मध्ये संपन्न झाला. मेळाव्यात 301 ग्राहकांनी तक्रारी दाखल केल्या, त्यामधील 232 तक्रारी त्वरित निपटारा करण्यात आला तर 69 तक्रारी संपूर्ण तपासणी करून 7 दिवसात निकाली काढण्यात येणार आहे. 

या ग्राहक मेळाव्यात कल्याण पूर्व मधून 115 तक्रारी प्राप्त झाल्या , कल्याण पश्चिम 82 त्यातील 18 तक्रारीचा निपटारा करण्यात आला. डोंबिवली मधून 104 तक्रारी मधील 5 तक्रारी प्रलंबित आहेत, यात वीज बिल, नवीन वीज जोड़णी, सदोष मीटर, फ्यूज कॉल संबधी तक्रारी प्राप्त होत्या. प्रलंबित तक्रारी एक आठवड्यात निकाली काढण्यात येणार आहे.

या मेळाव्यामध्ये महावितरण कल्याण मंडळ 1 अधीक्षक अभियंता सुनील काकड़े, कल्याण पश्चिम कार्यकारी अभियंता डी डी राठोड, कल्याण पूर्व कार्यकारी अभियंता काशीनाथ बेळळे, डोंबिवली कार्यकारी अभियंता धनराज बिक्कड आदी अधिकारी उपस्थित होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com