पुणे - अपुरे मनुष्यबळ आणि इतर असुविधांमुळे पुण्यातील राज्य ग्राहक आयोगाच्या खंडपीठाचे दैनंदिन कामकाज एक महिन्यापासून बंद आहे. तब्बल तीन हजारांहून अधिक खटले या न्यायालयात प्रलंबित आहेत.
नवीन प्रशासकीय इमारतीत या खंडपीठाचे काम चालते. हे कामकाज दर महिन्याच्या दुसऱ्या आठवड्यात चालविण्यात येते. या महिन्यात काम झाले नाही. साडेतीन वर्षांपूर्वी खंडपीठाच्या कामाला सुरवात झाली. या ठिकाणी केवळ एकच कर्मचारी आहे. याच कर्मचाऱ्यावर सर्व प्रकारच्या कामांची जबाबदारी आहे. रोजनामे तयार करणे, तक्रारदार आणि प्रतिवादीला नोटीस काढणे अशी विविध कामे या कर्मचाऱ्याला करावी लागतात.
खंडपीठासमोर सुमारे तीन हजारांहून अधिक तक्रारी, अपिले प्रलंबित आहेत. कामकाज नियमित होत नसल्याने सुनावणीस विलंब होत आहे. दरम्यान, जिल्हा ग्राहक न्याय मंच आणि अतिरिक्त जिल्हा ग्राहक न्याय मंचाच्या कामकाजावरही अपुऱ्या मनुष्यबळाचा परिणाम होऊ लागला आहे. अतिरिक्त ग्राहक न्याय मंचाचे एक सदस्य व अध्यक्ष निवृत्त झाले आहेत. त्याचप्रमाणे जिल्हा ग्राहक न्याय मंचाचे एक सदस्य निवृत्त झाले आहेत. सदस्यांची नियुक्ती न झाल्याने मनुष्यबळावर ताण येत आहे. दोन्ही न्याय मंचाचे अधीक्षक निवृत्त झाले असून, त्या पदाचा कार्यभार इतर कर्मचाऱ्यांकडे देण्यात आला आहे.
अपुरी जागा, अपुरे मनुष्यबळ अशा परिस्थितीत काम करावे लागत आहे. महसूल मिळत नसल्याने राज्य सरकार ग्राहक न्याय मंचाला पायाभूत सुविधा उपलब्ध करून देण्यास उदासीन दिसते. ग्राहकांना न्याय मिळवून देण्याचा हेतू सफल होण्यासाठी पायाभूत सुविधा तेवढ्याच महत्त्वाच्या आहेत.
- ज्ञानराज संत, वकील
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.