स्त्यांवरील खड्ड्यांच्या प्रश्‍नावर मनसेचे आंदोलन 

पिंपरी : शहरातील रस्त्यांवर पडलेल्या खड्ड्यांच्या प्रश्‍नावर गुरुवारी मनसेतर्फे महापालिका भवनात सुमारे अर्धा तास ठिय्या आंदोलन करण्यात आले. तसेच, रस्ते खड्डेमुक्त झाले पाहिजे, अशी जोरदार मागणी करण्यात आली. 

शहरातील विविध भागांमध्ये पावसामुळे रस्त्यांवर खड्डे पडले आहेत. त्याबाबतचे सविस्तर वृत्त 'सकाळ'मध्ये बुधवारी प्रसिद्ध झाले. त्या पाठोपाठ मनसेने आज या प्रश्‍नाबाबत आयुक्त दालनासमोर आंदोलन करून महापालिका प्रशासनाचे लक्ष वेधले. मनसेतर्फे शहराध्यक्ष सचिन चिखले यांनी शहर अभियंता अंबादास चव्हाण यांना निवेदन दिले.

तसेच, दहा दिवसांमध्ये शहरातील खड्डे बुजविले गेले नाही तर तीव्र आंदोलन करण्याचा इशारा दिला. कांबळे यांनी शिष्टमंडळाला शहरातील खड्डे बुजविण्यात येतील, असे आश्‍वासन दिले. आंदोलनात राजू सावळे, अंकुश तापकीर, बाळा दानवले, रूपेश पटेकर, सीमा बेलापूरकर, शांतिलाल दहिफळे, अश्‍विनी बांगर, अनिता पांचाळ, संगीता देशमुख आदी पदाधिकाऱ्यांनी भाग घेतला.