चिंचवडमध्ये एक्‍साईडतर्फे स्वच्छतागृह 

पिंपरी - एक्‍साईड इंडस्ट्रीज कंपनीतर्फे व्यावसायिक-सामाजिक बांधिलकी (सीएसआर) उपक्रमातून चिंचवड येथील एसकेएफ कंपनीजवळ बांधलेल्या महिला व पुरुषांसाठीच्या सार्वजनिक स्वच्छतागृहाचे हस्तांतर गुरुवारी पालिकेकडे केले. 

काळभोरनगर येथील पालिका शाळेमधील मुलींच्या स्वच्छतागृहांमध्ये बसविलेल्या सॅनिटरी नॅपकिन व्हेंडिंग मशिनचे हस्तांतरणही केले. उपमहापौर शैलजा मोरे, स्थायी समितीच्या अध्यक्षा सीमा सावळे, "ब' प्रभाग अध्यक्ष सचिन चिंचवडे, नगरसेविका आशा धायगुडे-शेंडगे, झामाबाई बारणे, माधुरी कुलकर्णी, करुणा चिंचवडे, मीनल यादव, नगरसेवक नामदेव ढाके, सह-आयुक्त दिलीप गावडे, सहायक आयुक्त संदीप खोत, आशादेवी दुरगुडे, एक्‍साईड इंडस्ट्रीज लिमिटेडचे मुख्य कार्यकारी अधिकारी के.अनिरुद्ध, अधिकारी संजय गायकवाड, निम्हा गिध आदी उपस्थित होते. 

एक्‍साईडतर्फे यापूर्वी केएसबी चौक व थरमॅक्‍स चौकात (चिंचवड) महिला व पुरुषांसाठी सार्वजनिक स्वच्छतागृहांची उभारणी केली आहे. कंपनीने सीएसआरच्या माध्यमातून सुमारे 35 लाख रुपये खर्च केला आहे. कंपनीतर्फे आकुर्डी, काळभोरनगर-चिंचवड, रुपीनगर-निगडी, श्रमिकनगर-निगडी येथील महापालिकेच्या माध्यमिक शाळेतदेखील सॅनिटरी नॅपकिन व्हेंडिंग मशिन बसवून त्याचे महापालिकेस हस्तांतर केले आहे.