जळगाव : गिरणा धरणात 51 टक्के साठा

शिवनंदन बाविस्कर
सोमवार, 31 जुलै 2017

धरण परिसरात अद्यापही समाधानकारक पाऊस झालेला नाही. वरच्या धरणांमुळे गिरणात 51 टक्के वाढ होऊ शकली. ही वाढ खूप महत्वपूर्ण असून गेल्या वर्षात या दिवसांत 7 टक्केच पाणीसाठा शिल्लक होता.

पिलखोड(ता. चाळीसगाव, जि. जळगाव) : गिरणा धरणात आज सकाळपर्यंत 51 टक्के साठा निर्माण झाला असून पाण्याची आवक मंदावली आहे. अशी माहिती धरणाचे शाखा अभियंता एस. आर. पाटील यांनी 'सकाळ'ला दिली.

रविवारी(ता. 30) संध्याकाळी चणकापूर व पुनद मिळून 3 हजार 900 क्यूसेक तर हरणबारीमधून 864 क्यूसेक पाण्याचा विसर्ग गिरणात सुरू होता. धरणात एकूण 12 हजार 375 दशलक्ष घनफुट पाणीसाठा निर्माण झाला असून 9 हजार 375 दशलक्ष घनफुट जिवंत पाणीसाठा उपलब्ध आहे. धरणात आज सकाळपर्यंत  51 टक्के साठा निर्माण झाला आहे.

धरण परिसरात अद्यापही समाधानकारक पाऊस झालेला नाही. वरच्या धरणांमुळे गिरणात 51 टक्के वाढ होऊ शकली. ही वाढ खूप महत्वपूर्ण असून गेल्या वर्षात या दिवसांत 7 टक्केच पाणीसाठा शिल्लक होता. दरम्यान वरच्या धरण क्षेत्रात पाऊस थांबला असल्याने सध्या पाण्याची आवक मंदावली आहे.