अहमदनगर : श्रीगोंद्यात दोन जणांना जन्मठेप | Sakal
sakal

बोलून बातमी शोधा

 जन्मठेप

अहमदनगर : श्रीगोंद्यात दोन जणांना जन्मठेप

श्रीगोंदे : अल्पवयीन मुलीवर अत्याचार केल्याप्रकरणी आरोपी भानुदास गंगाराम भिसे (धारकरवाडी, चिंभळे) व नामदेव अंबू अडागळे चिंभळे यांना येथील अतिरिक्त सत्र न्यायाधीश एम. एस. शेख यांनी बलात्कार, तसेच बाललैंगिक अत्याचार संरक्षण कायदा कलम ३ व ४ अन्वये जन्मठेप व दंडाची शिक्षा ठोठावली.

या खटल्यातील आरोपी भानुदास भिसे व नामदेव अडागळे या दोघांनीही दोन शेतकऱ्यांची शेती वाट्याने घेतली होती. पीडित त्याच शेतामध्ये मजुरीने कामास जात होती व तेथेच कुटुंबासह राहत होती. फिर्याद देण्याच्या पाच महिने अगोदर पीडित घराच्या मागील उसाच्या पिकाकडे प्रातर्विधीसाठी गेली असताना तेथे आरोपी भानुदास भिसे आला व त्याने तिच्यावर बळजबरीने शारीरिक अत्याचार केला व कोणाला सांगू नको, असा दम दिला. त्यानंतर पुन्हा पीडितेवर अत्याचार झाले. दरम्यान, फिर्यादीची मुलगी घरी एकटीच असताना दुपारी आरोपी नामदेव अडागळे यानेही बळजबरीने तिच्यावर अत्याचार केला. त्यानेही, कोणाला सांगितल्यास आईला ठार मारीन अशी धमकी दिली. दरम्यान, मुलीच्या पोटात दुखत असल्याने तिची सोनोग्राफी केली असता ती पाच महिन्यांची गरोदर असल्याचे समजले. मुलीला विश्वासात घेऊन विचारले असता तिने वरीलप्रमाणे घडलेली घटना सांगितली. याप्रकरणी आरोपींना विचारणा केल्यावर त्यांनी उडवाउडवीची उत्तरे दिली. याप्रकरणी फिर्याद देण्यात आली.

दरम्यान, पीडित मुलीने बाळाला जन्म दिला. या खटल्याची सुनावणी श्रीगोंदेतील अतिरिक्त सत्र न्यायाधीश एम. एस. शेख यांच्यासमोर झाली. आठ साक्षीदार तपासले. त्यामध्ये फिर्यादी, पीडित मुलगी व डॉक्टर, ग्रामसेवक, तपासी अधिकारी यांच्या साक्ष महत्त्वाच्या ठरल्या.

याप्रकरणी फिर्यादी पक्षाच्या वतीने सरकारी अभियोक्ता अॅड. पुष्षा कापसे-गायके यांनी काम पाहिले.

Web Title: अहमदनगर श्रीगोंद्यात दोन जणांना

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top