Maharashtra Assembly Election 2024 : अहिल्यानगरमध्ये १२ मतदारसंघांत उत्साह

अहिल्यानगर : अहिल्यानगर जिल्ह्यात सायंकाळी पाच वाजेपर्यंत सरासरी ६१.९५ टक्के मतदान झाले. सायंकाळी सात वाजेपर्यंत केंद्रांवर रांगा होत्या. त्यामुळे मतदानाची टक्केवारी वाढेल. जिल्ह्यात सर्वत्र शांततेत मतदान झाले. काही ठिकाणी मतदारांचे गुलाबपुष्प देऊन स्वागत करण्यात आले. .जिल्ह्यातील सर्व १२ मतदारसंघांत आज उत्स्फूर्त मतदान झाले. २०१९ च्या विधानसभा निवडणुकीत ६९.४२ टक्के मतदान झाले होते. आज सायंकाळी पाच वाजेपर्यंत ६१.९५ टक्के मतदान झाले. पाचपर्यंतच्या आकडेवारीनुसार सर्वाधिक ७० टक्के मतदान नेवासे मतदारसंघात, तर सर्वांत कमी ५५ टक्के मतदान श्रीगोंदे मतदारसंघात झाले. अकोले, कर्जत-जामखेड या दोन्हीही मतदारसंघांत ६६ टक्के मतदान झाले होते..मतदान अधिक घडवून आणण्यासाठी सकाळपासून कार्यकर्ते धावपळ करताना दिसले. मतदान केंद्रांवर व्हील चेअर, पाण्याची व्यवस्था करण्यात आली होती. सायंकाळी चारनंतर मतदानासाठी केंद्रांवर रांगा लागल्या. जिल्ह्यात चार हजार पोलिस, तर तीन हजार ५०० होमगार्डच्या माध्यमातून बंदोबस्त करण्यात आला होता. सर्वच मतदान केंद्रांवर सीसीटीव्ही कॅमेरांचा वॉच होता. मतदानाच्या दिवशी अनुचित प्रकार होऊ नये, म्हणून काही केंद्रांवर जादा बंदोबस्त ठेवण्यात आला होता..Worli Vidhan Sabha Voting: शेवटच्या एका तासात मुख्यमंत्र्यांनी आदित्य ठाकरेंचं टेन्शन वाढवलं; ठाण्याकडे निघालेला दौरा वरळीकडे वळला....जिल्ह्यातील कर्जत-जामखेड, शेवगाव-पाथर्डी, राहुरी या मतदारसंघांत चुरशीच्या लढती अपेक्षित आहेत.शिर्डी मतदारसंघात बहुतेक मोठ्या नेत्यांच्या सभा गाजल्या.लोकसभेच्या निवडणुकीचा निकाल अनपेक्षित लागला होता. बहुतेकांचे अंदाज चुकले होते. विधानसभेच्या निवडणुकीतही तशीच स्थिती आहे.प्रचारात कोणी किती आघाडी घेतली, त्याला महत्त्व न देता मतदार उत्स्फूर्तपणे मतदान करीत असल्याचे दिसून आले.#ElectionWithSakal.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.