अहमदनगर : बालगृहांमधील बालकांच्या मृत्यूची चौकशी

अहमदनगर : स्नेहआशा विशेष बालगृहामधील श्रीकांत सीताराम वनखंडे (वय १४) याचा ता. १ जून २०१४ आणि वर्षा विलास शिंदे हिचा ता. २७ फेब्रुवारी २०१३ रोजी मृत्यु झालेला आहे. या मुलांच्या मृत्यूच्या घटनेसंबंधी माहिती, पुरावे आणि दंडाधिकारी चौकशीस उपयुक्त असणारी माहिती कोणाकडे असल्यास त्या व्यक्तींनी ता. १० ऑक्टोबर २०२२ रोजी सकाळी ११ वाजता ''उपविभागीय दंडाधिकारी, नगर भाग, अहमदनगर'' या कार्यालयात सुनावणीस उपस्थित राहून माहिती द्यावी, असे आवाहन उपविभागीय दंडाधिकारी श्रीनिवास अर्जुन यांनी केले आहे.

जिल्हाधिकारी डॉ. राजेंद्र भोसले यांनी फौजदारी प्रक्रिया संहिता १९७३ चे कलम १७६ मधील तरतुदीनुसार ''उपविभागीय दंडाधिकारी, नगर भाग, अहमदनगर" यांची या घटनेच्या दंडाधिकारी चौकशीकामी नियुक्ती केलेली आहे.

दंडाधिकारी चौकशीला आवश्यक माहिती व्यक्तींनी लेखी सादर करावी. यामध्ये माहिती देणाराचे संपूर्ण नाव, वय व पूर्ण पत्ता, मोबाईल क्रमांक, लेखी माहिती देताना स्वतःची स्वाक्षरी करावी. तसेच मृत्यू संबंधीच्या बाबी व दृश्याच्या बाबींचा सविस्तर मजकूर असावा, असे आवाहन करण्यात आले आहे.