अहमदनगर : दोन भावांच्या कौटुंबिक वादात सहकार्य करण्यासाठी दहा हजार रुपयांची लाच स्वीकारताना श्रीरामपूर शहर पोलिस ठाण्यातील दोन पोलिस कर्मचाऱ्यांना नाशिकच्या लाचलुचपत प्रतिबंधक विभागाने गुरुवारी (ता. २७) रात्री पकडले. पोलिस हवालदार सुनील उत्तमराव वाघचौरे व पोलिस शिपाई गणेश हरी ठोकळ, अशी आरोपींची नावे आहेत.
तक्रारदार व त्यांच्या भावात घराची भिंत बांधण्यावरून वाद होता. हा वाद असलेल्या ठिकाणी तक्रारदारास काम करण्यास सहकार्य करण्यासाठी या पोलिसांनी १५ हजार रुपयांच्या लाचेची मागणी केली. तडजोडीअंती दहा हजार रुपयांत हे काम करण्याचे ठरले. तक्रारदाराने नाशिक येथील लाचलुचपत प्रतिबंधक विभागाशी संपर्क साधून तक्रार नोंदविली. पोलिस अधीक्षक सुनील कडासने यांच्या मार्गदर्शनाखाली पोलिस निरीक्षक साधना इंगळे यांनी श्रीरामपूर शहरात सापळा लावला. लाच स्वीकारताना या दोघांना पकडण्यात आले.
दोन्ही पोलिसांना लाच घेतल्याच्या आरोपावरून अटक करण्यात आली. लाचलुचपत प्रतिबंधक विभागाचे पोलिस हवालदार सचिन गोसावी, प्रफुल्ल माळी, संतोष गांगुर्डे यांच्या पथकाने ही कारवाई केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
