नगर-परळी रेल्वे यार्डातच | Sakal
sakal

बोलून बातमी शोधा

Rail

नगर-परळी रेल्वे यार्डातच

अहमदनगर : रेल्वे प्रशासनाने अहमदनगर- परळी वैजनाथ (बीड) या शटल रेल्वेचे तीन महिन्यांपूर्वी शानदार उद्‌घाटन केले. अहमदनगर स्थानकावर तेव्हापासून शटल रेल्वे साईड ट्रॅकवर उभी आहे. वजनदार व्यक्तींच्या हस्ते उद्घाटनाचा मुहूर्त मिळत नसल्याने ही रेल्वे सुरू झाली नसल्याचे समजते.

अहमदनगर- परळी वैजीनाथ (बीड) या बहुप्रतीक्षेतील शटल रेल्वेचे शानदार उद्‌घाटन झाले. या मार्गावरील विविध स्थानकांत चाचणी घेतानाची छायाचित्रे झळकली. ही रेल्वे इंजिन व दहा बोगींसह गेल्या तीन महिन्यांपासून अहमदनगर रेल्वे स्थानकाच्या साईड ट्रॅकवर बेवारस अवस्थेमध्ये उभी आहे. या शटलची किंमत काढल्यास ती दहा कोटी रुपये असेल.

दुसरीकडे, नगर- पुणे रेल्वे शटल सेवा प्रायोगिक तत्त्वावर का होईना, सुरू करण्यासाठी जागरूक नागरिक मंच प्रयत्नशील आहे. त्यांनी यासाठी वेळोवेळी आंदोलनेही केली. पुण्याचे अंतर रस्त्याने कापण्यासाठी चार तास लागतात. मोठ्या वाहतुकीमुळे त्यात भरच पडते. आष्टी-बीड येथील राजकीय पुढाऱ्यांच्या हट्टामुळेही त्या शटलचे उद्‌घाटन करण्याचा प्रयत्न झाला. परंतु तो प्रकार केवळ फोटोसेशनपुरता होता, असा जागरूक नागरिक मंचाच्या सुहास मुळे यांचा आरोप आहे. परळीसाठी आणलेली रेल्वे एकाच जागी गंजत नगर स्थानकावर उभी आहे. ना ही शटल आष्टी- बीड- नगर- पुणे अशी सुरू झाली, ना आष्टी- नगर धावली. आताही वेळ गेली नाही. ती नगर-पुण्यासाठी सुरू करता येईल.

या मागणीत बदल न झाल्यास चपलांचा हार घालून नैवेद्य रेल्वेच्या केंद्रीय मंत्र्यांना आणि जनरल मॅनेजरना पाठविला जाईल, असा इशारा जागरूक नागरिक मंचाने दिला आहे.

Web Title: Ahmednagar Station Nagar Parli Railway

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..