अहमदनगर : गावे तहानली; पाणीयोजनेत घ्या | Sakal
sakal

बोलून बातमी शोधा

मागणीसाठी आज माजी महिला बालकल्याण समितीच्या सभापती हर्षदा काकडे यांनी संबंधित गावांतील महिलांसह जिल्हा परिषद गाठली.

अहमदनगर : गावे तहानली; पाणीयोजनेत घ्या

अहमदनगर : पिण्याच्या पाण्यापासून वंचित असलेल्या बेलगाव, सोनेसांगवी, वरखेड, अंतरवाली बुद्रुक, मुर्शदपूर व लखमापुरी (ता. शेवगाव) ही गावे तहानली आहेत. येथील पाणीप्रश्‍न सोडविण्यासाठी बोधेगाव प्रादेशिक योजनेत त्यांचा समावेश करा, या मागणीसाठी आज माजी महिला बालकल्याण समितीच्या सभापती हर्षदा काकडे यांनी संबंधित गावांतील महिलांसह जिल्हा परिषद गाठली.

जिल्हा परिषदेचे मुख्य कार्यकारी अधिकारी आशिष येरेकर व जीवन प्राधिकरणाचे अधीक्षक अभियंता मुळे यांना त्यांनी मागणीचे निवेदन देऊन, या प्रश्नांचे गांभीर्य समजावून सांगितले. या वेळी महिलांना पाणीप्रश्‍नावर आक्रोश व्यक्त केला. या वेळी जिजाबाई जाधव, लताबाई लोहकरे, पार्वती पोकळे, ऊर्मिला जाधव, अनिता जाधव, लंकाबाई भारस्कर, सकूबाई जाधव, रुक्मिणी काकडे, मीरा तेलोरे, विमल काळे, शीलाताई गोरे, मंगल पातकळ, मंगल तेलोरे, भीमाबाई पठाडे, शीला तेलोरे, भगवान शेळके, मोहन गवळी, महादेव पातकळ, दीपक शिंदे, अशोक दातीर आदी ग्रामस्थ व महिला उपस्थित होत्या.

शेवगाव तालुक्यातील बेलगाव, सोनेसांगवी, वरखेड, अंतरवाली बुद्रुक, मुर्शदपूर व लखमापुरी या गावांचा हातगावसह २८ गावांचा पाणीयोजनेमध्ये समावेश होता. त्यानुसार वरील गावांत काही ठिकाणी टाक्या वगैरे बांधून खूप दिवस झाले; परंतु गावांना पाणी मिळालेले नसून, या गावातील ग्रामस्थ पिण्याच्या पाण्यापासून वंचित आहे. या गावात कुठेही पाण्याचा स्रोत नसल्याने शाश्‍वत पाणी मिळण्यासाठी बोधेगाव प्रादेशिक पाणी योजनेशिवाय पर्याय स्पष्ट करण्यात आले आहे.

त्या गावांचा ठराव

या चारही गावाच्या ग्रामस्थांनी ग्रामपंचायत ठराव करून या गावांना हातगावसह २८ गावांची पाणीयोजनेमध्ये राहायचे नसल्याचा निर्णय घेतला आहे. ही गावे या योजनेतून बाहेर पडलेली आहेत. गावातील नागरिकांना पिण्यासाठी पाणी नसून, पाण्यासाठी महिलांसह लहान मुलांना वणवण हिंडावे लागत असल्याचे निवेदनात म्हटले आहे. या गावांचा बोधेगाव प्रादेशिक पाणीयोजनेत समावेश केल्यास त्यांचा पिण्याच्या पाण्याचा प्रश्‍न सुटणार आहे. बोधेगाव पाणीयोजना ज्या ठिकाणावरून जाते, त्या रस्त्यालगतच ही गावे आहेत.

Web Title: Ahmednagar Villages Thirsty Water Scheme

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top