पंचांसमोरच मागितली लाच; तलाठी कार्यालयातील कर्मचाऱ्याला अटक

The Bribery Department has caught a private employee of the Kokangaon Ghumri Talathi office taking bribe
The Bribery Department has caught a private employee of the Kokangaon Ghumri Talathi office taking bribe

कर्जत (अहमदनगर) : तालुक्‍यातील कोकणगाव घुमरी तलाठी कार्यालयातील खासगी कर्मचारी सचिन सुरेश क्षीरसागर (वय 35) रा. मिरजगाव याला एक हजाराची लाच घेताना लाचलुचपत विभागाने रंगेहात पकडले आहे.

महापालिकेचे 685 कोटीचे अंदाजपत्रक 'स्थायी' समोर सादर
 
या बाबत वृत्त असे की, तक्रारदार यांनी त्यांचे घुमरी गावातील वडिलोपार्जित शेतीचे वाटणी पत्र करुन त्या आधारे फेरफार नोंद करून उतारा मिळणेकरिता तलाठी घुमरी, सजा कोकणगाव यांच्याकडे अर्ज दिला होता. त्याआधारे तलाठी यांच्याकडून फेरफार नोंद केली. उतारा मिळवून देण्यासाठी तलाठी कार्यालयात मदतनीस म्हणून काम करणारे सचीन क्षीरसागर यांनी एक हजार रुपयांची मागणी केली. या बाबत तक्रारदार यांनी लाच लुचपत प्रतिबंधक, नगर विभागाकडे रितसर तक्रार नोंदविली. या तक्रारीवरून (ता. 15) रोजी केलेल्या लाच मागणी पडताळणीमध्ये आरोपी क्षीरसागर याने पंचा समक्ष हजार रुपये लाचेची मागणी केली. 

त्यानुसार गुरुवार (ता. 18) रोजी सदरची रक्कम तक्रारदार यांच्याकडून पंचा समक्ष, जगदंब ईलेक्‍ट्रिकल समोर, नगर सोलापूर मार्गावर, मिरजगाव येथे स्विकारली असता क्षीरसागर यास रंगेहाथ पकडले आहे. सदरची कारवाई लाचलुचपत प्रतिबंधक विभागाचे नाशिक परिक्षेत्राचे पोलिस अधीक्षक सुनील कडासने, अपर पोलिस अधीक्षक निलेश सोनवणे, वाचक पोलिस उपअधीक्षक विजय जाधव यांच्या मार्गदर्शनाखाली नगरचे पोलिस उपअधीक्षक हरीश खेडकर, पोलिस निरीक्षक शाम पवरे, पोलिस नाईक रमेश चौधरी, विजय गंगुल, पोलिस अंमलदार रविंद्र निमसे, वैभव पांढरे, महिला पोलिस अंमलदार राधा खेमनर, संध्या म्हस्के, चालक पोलिस हवालदार हरुन शेख यांनी कामगिरी बजावली आहे.
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com