निवृत्त पोलिस अधिकाऱ्याच्या घरात साडेपाच लाखांची चोरी

अहमदनगर : तालुक्‍यातील हिंगणगाव येथील सेवानिवृत्त पोलिस अधिकाऱ्याच्या घरातून मंगळवारी दुपारी चोरांनी, दाम्पत्यावर चाकूहल्ला करीत सोन्या-चांदीचे दागिने व रोख रक्कम, असा पाच लाख 42 हजार रुपयांचा मुद्देमाल लांबविला. चाकूहल्ल्यात दाम्पत्य जखमी झाले.

मंत्री गडाखांचे नेतृत्वाखाली प्रलंबित प्रश्न मार्गी लावू
 
याबाबत सेवानिवृत्त पोलिस निरीक्षक भाऊसाहेब दगडू ढगे (रा. हिंगणगाव, ता. नगर) यांच्या फिर्यादीवरून एमआयडीसी पोलिस ठाण्यात गुन्हा दाखल झाला आहे. ढगे यांच्या घरात मंगळवारी दुपारी तीन वाजता दोनजण घुसले. दाम्पत्यावर चाकूहल्ला करीत दागिने व रोख रक्कम, असा पाच लाख 42 हजार रुपयांचा मुद्देमाल लांबविला, असे फिर्यादीत म्हटले आहे. पोलिस उपअधीक्षक प्रांजल सोनवणे, सहायक पोलिस निरीक्षक युवराज आठरे यांनी घटनास्थळी भेट देऊन तपासपथकाला सूचना केल्या.