किसन मोरे यांनी दिलेल्या फिर्यादीवरून तिघांविरूद्ध मारहाण करणे, शिवीगाळ आणि धमकविणे आणि ऑट्रॉसिटीचा (Atrocity) गुन्हा दाखल करण्यात आला.
अहिल्यानगर : पाळीव पोपट (Parrot) मारल्याचा जाब विचारला म्हणून तिघांनी जातीवाचक शिवीगाळ करून मारहाण केली. या गुन्ह्यात ऋषिकेश किशोर विधाटे (वय २२), संदीप भाऊसाहेब विधाटे (वय ३४), नरेंद्र भाऊसाहेब विधाटे (वय ३७, सर्व रा. बाभुळखेडा, ता. नेवासे) या तिघांना तीन महिने शिक्षा आणि प्रत्येकी पाचशे रूपये दंडाची शिक्षा जिल्हा व सत्र न्यायाधीश हरीभाऊ वाघमारे यांनी ठोठावली.
