Srirampur : आईला शिवीगाळ केल्याचा राग मनात ठेऊन दगडाने केली निर्घृण हत्या ; दोन आरोपी अटक | Sakal
sakal

बोलून बातमी शोधा

Srirampur

Srirampur : आईला शिवीगाळ केल्याचा राग मनात ठेऊन दगडाने केली निर्घृण हत्या ; दोन आरोपी अटक

श्रीरामपूर :पुसद ग्रामीण पोलीस स्टेशनच्या हद्दीतील गुणवंतराव देशमुख परिसर कवडीपूरमध्ये रक्तबंबाळ अवस्थेत तरुणाचा मृतदेह गुरुवारी सकाळी उघडकीस आल्याने एकच खळबळ उडाली आहे.

सदर मृतकाचे नाव अजय शालीकराव येवले वय ४० वर्ष रा. ओम नगर असे आहे. घटनेची माहिती मिळताच ग्रामीण पोलीस आणि वसंतनगर पोलीस घटनास्थळी दाखल होऊन पंचनामा केला व अवघ्या काही तासातच यातील आरोपी गजानन काळे आणि शेख समीर शेख सलीम दोन्ही राहणार श्रीरामपूर यांना अटक करण्यात पोलिसांना यश आले आहे. मृतक अजय येवले याने आरोपी गजानन च्या आईला शिवीगाळ केल्याचा राग मनात ठेवून बुधवारी रात्री १ ते १;३० वाजताच्या सुमारास दगडाने मारून अजय येवले याची हत्या केली.

हत्याकरून दोन्ही आरोपी फरार होण्याच्या तयारीत असताना पोलिसांनी गोपनीय माहितीवरून दोघांना पुसद बसस्थानाकातून अटक करण्यात यश आले. सदरची कारवाई वसंत नगरचे पोलीस निरीक्षक नाचनकर यांच्या मार्गदर्शनाखाली डीबी पथकाचे पोलीस हेडकॉन्स्टेबल अशोक चव्हाण, मुन्ना आडे, कुणाल मुंडोकार, संजय पवार, सतीश शिंदे, चालक अनंता तारमेकवाड यांनी पार पाडली. पुढील तपास पोलीस करीत आहे.

Web Title: Crime Srirampur Murder Two Accused Arrested Police

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..