कोरोनाच्या सावटामुळे शनिशिंगणापुरातील शनिअमावस्या यात्रा रद्द

सोनई (अहमदनगर) : संपूर्ण राज्यात व जिल्ह्यात वाढत असलेली कोरोना स्थिती लक्षात घेवून शनिशिंगणापूर येथील शनिमंदिर शुक्रवार व शनिवारी बंद ठेवून अमावस्या यात्रा रद्द करण्याचा निर्णय विश्वस्त मंडळाने घेतला असल्याची माहिती अध्यक्ष भागवत बानकर यांनी दिली.

उषःकाल होता होता कोरोनाची काळी रात्र आली; महापालिकेची दोन कोविड सेंटर सुरू

शनैश्वर देवस्थानच्या जनसंपर्क कार्यालयात झालेल्या बैठकीत विश्वस्त मंडळाचे अध्यक्ष भागवत बानकर उपाध्यक्ष विकास बानकर, सहायक कार्यकारी अधिकारी नितीन शेटे, सरपंच पुष्पा बानकर, सहायक पोलिस निरीक्षक सचिन बागुल व सर्व विभागाचे अधिकारी उपस्थित होते. 

उद्योजक हिरण हत्याप्रकरणी आयजींनी घातले लक्ष, तपासाची चक्रे वेगात

सध्या वाढत असलेली कोरोना स्थिती लक्षात घेवून शनिअमावस्या यात्रा रद्द करण्याचा निर्णय घेण्यात आला. शुक्रवार (ता.१२ ) दुपारी तीन वाजता मंदिर बंद करण्यात येणार आहे. शनिवारी दिवसभर दर्शन बंद ठेवण्यात येवून रविवारी (ता.१४) रोजी दर्शन व्यवस्था पुन्हा सुरु करण्यात येणार आहे. तहसीलदार रुपेशकुमार सुराणा यांनी शनिवारी गावात जमावबंदीचा आदेश असल्याचे पत्र देवस्थानला दिले आहे.