Onion leaves : कांदा पातीच्या विक्रीतून शेतकरी बनला लखपती

-राजू नरवडे संगमनेर : खडकाळ माळरान, सातत्याने पाणीटंचाई, त्यातही नैसर्गिक संकटे अशा कठीण परिस्थितीचा सामना करत डोळासणे (ता. संगमनेर) येथील रत्नाकर पोखरकर व प्रकाश पोखरकर बंधुंनी पाण्याची कमतरता असताना देखील जवळपास सात एकर कांद्याच्या पातीतून लखपती बनले आहेत. त्यामुळे त्यांची ही यशोगाथा इतर शेतकऱ्यांना नक्कीच प्रेरणादायी ठरणारी आहे..Notices vehicle drivers : १२ हजार बेशिस्त वाहनचालकांना नोटिसा.डोळासणे येथील शेती ही निसर्गावरच अवलंबून असते. भरपूर पाऊस झाला, तरच खरिपाचे पीक घेत असतात; अन्यथा शेतकऱ्यांना दुष्काळाशी दोन हात करावे लागतात. मात्र, अशा अवघड परिस्थितीत शेतकरी आपली शेती करत असतात, तर काही शेतकऱ्यांकडे थोड्याफार प्रमाणात पाणी देखील आहे. रत्नाकर पोखरकर व प्रकाश पोखरकर हे दोघे बंधू सातत्याने शेतीत नावीन्यपूर्ण प्रयोग राबवत असतात. विशेष बाब म्हणजे हा संपूर्ण परिसर दुष्काळी भाग म्हणून ओळखला जात आहे. मात्र, तरीही अशा कठीण परिस्थितीत पोखरकर बंधुंनी आपली शेती यशस्वी करून दाखवली आहे..काही महिन्यांपूर्वी त्यांनी सात एकर क्षेत्रात पेर कांदा केला होता आणि तो चांगला उतरला होता. कांद्याला बाजारभाव चांगले असल्याने पैसेही चांगले होतील, अशी अपेक्षा त्यांना होती. त्यातच सातत्याने वातावरणाच्या बदलाचा चांगलाच फटका बसला होता, तरीही न डगमगता या बंधुंनी कांद्याची चांगली काळजी घेतली..पुढे हळूहळू कांद्याची पातही अतिशय चांगली झाली. पुढे आणखी दोन महिने कांद्याचे पीक सांभाळण्याऐवजी पात विकण्याचा निर्णय या बंधुंनी घेतला. यानंतर नाशिक जिल्ह्याच्या सिन्नर तालुक्यातील व्यापारी डोळासणे येथे येऊन कांद्याची पात पाहून गेला. संपूर्ण कांद्याची पात त्याने घेतली. जवळपास पंधरा दिवस महिला पात काढत होत्या. कांद्याच्या पातीतून पोखरकर बंधूंना भरघोस असे उत्पन्न मिळाले आहे..Doubt on EVM : जिल्ह्यातील प्रमुख नेत्यांचा ईव्हीएमवर संशय.दरम्यान, पोखरकर बंधू सातत्याने शेतीमध्ये नावीन्यपूर्ण प्रयोग राबवत असतात. पावसाळ्यात बोअरवेलच्या माध्यमातून शेततळ्यात पाणी सोडून शेततळी तुडुंब भरून घेत असतात. यानंतर शेततळ्यातील पाण्याचे उत्तम नियोजन करून ते वर्षभर पिके घेत असतात. नैसर्गिक संकटांवरही सातत्याने मात करून त्यांनी आपली शेती यशस्वी करून दाखवली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.