माजी मंत्री शंकरराव कोल्हे यांचं निधन, कोपरगावात अखेरचा श्वास

माजी मंत्री शंकरराव कोल्हे यांचं कोपरगावात त्यांच्य राहत्या घरी निधन झालंय. मागील वर्षी त्यांना कोरोनाची लागण झाली होती. २१ व्या वर्षी सरपंच म्हणून राजकारणाला सुरुवात केलेल्या कोल्हे यांनी ९४ व्या वर्षी अखेरचा श्वास घेतला.

कोपरगाव तालुक्यात सहकारी आणि शिक्षण संस्थांचं जाळं निर्माण करण्यात त्याचा मोलाचा वाटा होता. (Former Minister Shankar Kolhe Died in Kopargaon)

कोपरगाव येथील माजी मंत्री शंकरराव कोल्हे (वय ९४) वर्ष यांचे आज दिनांक १६ मार्च रोजी पहाटे वृद्धापकाळाने दुःखद निधन झाले आहे. त्यांचा अंत्यविधी आज सायंकाळी ४:३० वाजता संजीवनी इंजिनीअरिंग कॉलेज येथे होणार आहे. त्यांच्या निधनाने परिसरात हळहळ व्यक्त होतीय.

माजी मंत्री शंकरराव कोल्हे हे संजीवनी कारखान्याचे चेअरमन बिपीन कोल्हे यांचे वडील तर माजी आ.स्नेहलता कोल्हे यांचे सासरे व युवा नेते विवेक कोल्हे यांचे आजोबा आहेत. गोदावरी (खोरे) सहकारी दूध संस्था, यशवंत पोल्ट्री, देवयानी सहकारी बँक लि. कोपरगाव उभारण्यामध्ये त्यांचं मोठं योगदान होतं.