पारनेर : कोरोनाच्या पार्श्वभूमीवर राज्य सरकार व जिल्हाधिकाऱ्यांच्या आदेशाचे उल्लंघन करून, मुंबई ते भाळवणी असा विनापरवाना प्रवास केल्याप्रकरणी भाळवणी येथील 11 जणांविरुद्ध गुन्हे दाखल करण्यात आले आहेत. याबाबत भाळवणीचे ग्रामविकास अधिकारी संपत दातीर यांनी फिर्याद दिली.
मुंबई येथे राहत असलेले भोसले कुटुंब 13 जून रोजी मुंबई येथून भाळवणीत आले. कोरोना संकटाच्या कालावधीत सरकारने व जिल्हाधिकाऱ्यांनी केलेल्या नियमावलीप्रमाणे सरकारची कोणतीही परवानगी न घेता मुंबई ते भाळवणी असा प्रवास त्यांनी केला. त्यानंतर ते कुटुंब भाळवणी येथे क्वारंटाईनसुद्धा झाले. मात्र, त्या कुटुंबातील एकाचा कोरोना तपासणी अहवाल पॉझिटिव्ह आल्याने सरकारी यंत्रणेला जाग आली व त्यांनी चौकशी केली तेव्हा हे कुटुंब मुंबईहून भाळवणीला विनापरवाना आल्याचे समजले. ग्रामविस्तार अधिकारी दातीर यांनी त्या कुटुंबातील 11 जणांविरुद्ध काल (गुरुवारी) पारनेर पोलिस ठाण्यात फिर्याद दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.