श्रीरामपूर : श्रीरामपूर-नेवासे मार्गावर रेल्वे उड्डाणपुलाजवळ एका टँकरने दुचाकीला दिलेल्या धडकेत पती-पत्नीचा मृत्यू झाला आहे. दुधाच्या टँकरने दुचाकीला मागील बाजूने जोराची धडक दिली. यात सुनील थोरात व त्यांच्या पत्नी स्वाती थोरात गंभीर जखमी झाले होते. अपघातस्थळी नागरिकांची गर्दी झाली होती. जखमींना साखर कामगार रुग्णालयात दाखल करण्यात आले होते. मात्र, उपचारापूर्वीच त्यांचे निधन झाल्याचे वैद्यकीय अधिकाऱ्यांनी सांगितले.