पत्नीस पोटगी न देणाऱ्यास अटक

अहमदनगर : पत्नीस पोटगी न देता घर सोडून बाहेर राहणारा मजहर आयाज शेख (वय 41, रा. मुकुंदनगर) यास भिंगार पोलिसांनी अटक केली आहे. दोन वर्षांपासून पोटगी चुकविण्यासाठी तो घर सोडून अन्यत्र राहत होता. आयाज अहमद शेख (रा. मुकुंदनगर) यांनी भिंगार - कॅम्प पोलिस ठाण्यात ता.28 डिसेंबर 2019 रोजी खबर दिली की, मुलगा मजहर शेख हा राहते घरून कोठेतरी निघून गेला आहे. त्यावरून भिंगार पोलिस ठाण्यात हरविल्याबद्दल गुन्हा दाखल करण्यात आला.

पोलिस नाईक व्ही. सी. गंगावणे हे करीत होते. संगमनेर येथील प्रथमवर्ग न्यायदंडाधिकाऱ्यांनी मजहर शेख हा पोटगी देत नसल्याने वॉरंट काढले होते. सहाय्यक पोलिस निरीक्षक शिशिरकुमार देशमुख यांना खबऱ्याने माहिती दिली की, मजहर हा राहत्या घरी काही वेळेस येऊन जात आहे. सध्या तो घरी आला आहे. देशमुख यांनी पोलिस उपनिरीक्षक मंगेश बेंडकोळी, पोलिस हवालदार जी. वाय. जठार, रघुनाथ कुलांगे, रमेश दरेकर, भानुदास खेडकर, एस. जी. शेख, राहुल द्वारके, के. जे. चव्हाण, एस. बी. सोनवणे यांच्या पथकाला पाठवून मजहरला अटक केली. त्यास संगमनेर येथील न्यायालयासमोर हजर केले असता त्यास 20 दिवस कारावासाची शिक्षा ठोठावली आहे.